Økonomi og jus, bachelorstudium, Sogndal

Kunnskapar:

Kandidaten

har kjennskap til forskings- og utviklingsarbeid innan fagområdet

har brei og oppdatert kunnskap om relevante teoriar og metodar

har innsikt i korleis rettssystemet er bygd opp og kva verdiar det kviler på

kjenner til grunnleggande juridisk metode

har kunnskap om avgjerder på mikronivå innanfor private og offentlege organisasjonar med sikte på å koordinere bruken av knappe ressursar for å nå organisasjonens mål

forstår samfunnsmessige verknader av avgjerder og handle i samsvar med juridiske, miljømessige og etiske standarder

er i stand til å vurdere nye investeringer, kunne analysere inntekter og kostnader

forstår korleis organisasjonar fungerer, korleis dei kan organiserast og leiast

har kunnskap om korleis produkt og tenester kan utviklast og marknadsførast

forstår korleis eit lands økonomi blir påverka av for eksempel endringer i etterspørselen, myndigheitene sin politikk, internasjonale forhold eller teknologisk utvikling

har eit godt metodegrunnlag i matematikk, statistikk og samfunnsvitskapeleg metode

kan oppdatere kunnskap innanfor eige fagområde

Ferdigheiter:

Kandidaten

kan nytte forskings- og utviklingsarbeid på praktiske problemstillingar som dei kan møte i arbeidslivet

kan planlegge og gjennomføre eigne prosjekt, jobbe saman med andre i grupper, kunne formidle fagstoff skriftleg og munnleg og kunne utveksle synspunkt og erfaringar, og slik sett bidra til utvikling av god praksis

har grunnleggjande ferdigheiter i å tolke å bruke lovreglar på konkrete problemstillingar

kan framstille innhaldet i rettsreglar for andre

er i stand til å vurdere nye investeringer, kunne analysere inntekter og kostnader

kan framskaffe, analysere og presentere økonomisk styringsinformasjon

kan analysere ulike konkurransesituasjonar ut frå ei bedrift sin ståstad

kan nytte kunnskapane og ferdigheitane i matematikk, statistikk og samfunnsvitskapelege metoder på eit bredt spekter av økonomisk-administrative problemstillingar

kan sjå dei ulike fagområda i sammenheng, slik at han kan bruke kunnskapar og ferdigheiter frå fleire fag på ei bestemt problemstilling

kan bidra til utviklingsarbeid for å fremje verksemda si innovasjonsevne

Generell kompetanse:

Kandidaten

er godt rusta til å kunne gå videre på masterstudium i inn- og utland.

har fagleg innsikt og analytiske ferdigheter

kan bruke dei kunnskapane, metodane og verktøya han tileignar seg på ein kritisk måte.

Formene for sluttvurdering varierer mellom skriftleg og munnleg skuleeksamen, heimeeksamen og fleirvalseksamen. Dette er presisert i den enkelte emneplan.

Undervisninga vekslar mellom førelesingar, seminar, arbeidsgrupper, øvingsoppgåver, munnlege presentasjonar og skriftleg arbeid med tilbakemelding. Problembasert læring med vekt på oppgåver som er aktuelle og relevante, står sentralt i studiet si undervisning og læringsform.

I studiet legg ein vekt på å lære studentane opp til å jobbe sjølvstendig både med individuelt arbeid og gruppearbeid. Det er nødvendig med eit stort innslag av sjølvstudium.

Enkelte emne har arbeidskrav. Eit arbeidskrav er et obligatorisk arbeid som studenten må ha greidd for å kunne gå opp til eksamen i emnet. Eit arbeidskrav kan vere et individuelt arbeid eller eit gruppearbeid. Det framgår av dei enkelte emneplanane om det er arbeidskrav.

• Rådgjeving- og spesialistoppgåve innan økonomi, administrasjon og jus i privat næringsliv, offentleg organisasjonar og tredje sektor.

Studiet skal gje studentane ei brei kompetanseplattform for å arbeide som fagpersonar eller rådgjevarar i privat næringsliv, offentleg sektor og andre organisasjonar. Studentane skal også kunne arbeide som mellomleiarar og leiarar i privat og offentleg sektor.

Studiet skal generelt gi studentane eit godt grunnlag for vidare studiar på masternivå.

Studiet passar spesielt godt for dei som er interesserte i økonomi, jus og administrasjon, som ønskjer å arbeide som leiarar og som ønskjer å fordjupe seg i styring og drift av ein organisasjon. Studiet passar godt for dei som ynskjer å jobbe med rådgjevings- eller spesialistoppgåver knytt til sakshandsaming, dei økonomiske, organisatoriske eller administrative delane av ein organisasjon.

Studiet passar også for dei som ønskjer å ha ei brei utdanning som ein kan byggje vidare ved å ta ein master. Studentar som ønskjer å studere vidare på masternivå, bør sette seg inn i opptakskrava til den aktuelle institusjonen.

Studiet er sett saman av emne frå dei viktigaste økonomiske og administrative fagområda, i tillegg til grunnleggande juridiske emne.

Du lærer om

• korleis du tolkar og brukar lovreglar inn i konkrete problemstillingar på rettsområde som kontraktsrett, forvaltningsrett og familierett
• bedriftsøkonomi, samfunnsøkonomi og marknadsføring
• leiing og strategi

Første studieåret tilsvarar årseining i jus. Med fullført årsstudium kan du søke opptak direkte til 2. år. Du søker gjennom vår Søknadsweb.

Dei to neste studieåra er sett saman av emne som dekkjer minimumskrav for bachelor i økonomi og administrasjon.

Undervisningsmåtar

Læringsaktivitetane er varierte og det inngår forelesingar, seminar, gruppearbeid, øvingsoppgåver og munnlege presentasjonar. Teori vert kopla til praksis gjennom arbeid med relevante problemstillingar.

Du kan bygge på utdanninga med ei masterutdanning ved ulike høgskular og universitet.

Bachelor i økonomi og jus dekkjer dei nasjonale krav til bachelor i økonomi og administrasjon og gjev grunnlag for opptak til masterutdanningar innan økonomi og administrasjonsfag, også masterutdanningar som gjev sidetittelen siviløkonom.

Er du interessert i marknadsføring og innovasjon kan du etter at du har gjennomført bachelor i økonomi og jus søke opptak ved Master of Science in Business i Sogndal som gir sidetittel siviløkonom.