Master i ansvarlig innovasjon og entreprenørskap

Etter fullført masterstudium i ansvarleg innovasjon og berekraftig verdiskaping skal kandidaten ha følgjande totale læringsutbytte definert i kunnskap, ferdigheiter og generell kompetanse:

Kunnskap
Kandidaten …
• har inngåande kunnskap om den økonomiske, miljømessige og samfunnsmessige tydinga av innovasjon
• har inngåande kunnskap om korleis ansvarleg innovasjon kan bidra til berekraftig verdiskaping
• har inngåande kunnskap om korleis innovasjon vert påverka av ulike kontekstar
• har inngåande kunnskap om entreprenørar og kva dei har å seie for berekraftig verdiskaping
• har avansert kunnskap om forskingsområda innovasjon og entreprenørskap og praktisk-orienterte metodar på same fagfelt

• har inngåande kunnskap om ulike innovasjonsmetodikkar og entreprenøriell tenking

• har inngåande kunnskap om innovasjonsleiing og innovasjonsstrategiar med ei tverrfagleg tilnærming
• har inngåande innsikt i korleis ein kan implementere innovasjonar (til dømes teknologiske og sosiale innovasjonar) i marknaden, i verksemder og i andre organisasjonar, inkludert vurdering av moglegheiter og avgrensingar i de dei ulike løysningane.
• kan analysere faglege akademiske og praktisk-orienterte problemstillingar innanfor innovasjon og entreprenørskapsområdet med utgangspunkt i anerkjende teoriar og nytte denne kunnskapen på nye område
• har avansert kunnskap om forskingsdesign og sentrale metodar innanfor kvalitativ og kvantitativ forsking

Ferdigheiter
Kandidaten …
• kan analysere og nytte ulike teoretiske perspektiv på ansvarleg innovasjon og entreprenørskap på ein kritisk og sjølvstendig måte
• kan analysere utfordringar som er knytte til oppstartsfasen av verksemder og utføre sentrale entreprenørskapsoppgåver

• kan nytte resultat frå forskings- og utviklingsarbeid og kombinere problemløysing med analyse av implementeringsutfordringar i organisasjon og marknad, for på ein sjølvstendig måte å komme fram til praktisk og teoretisk problemløysing
• kan vurdere relevansen til ulike innovasjonsmetodikkar og kan nytte slike metodikkar i arbeidet med å realisere ein idé
• kan identifisere utfordringar i innovasjons- og entreprenørskapssystem og analysere rollene til aktørane og samspel i system, og nytte dette i analysar og faglege resonnement som er knytte til ansvarleg innovasjon og berekraftig verdiskaping
• kan gjennomføre eit sjølvstendig, avgrensa forskings- eller utviklingsprosjekt under rettleiing og i tråd med gjeldande forskingsetiske normer

Generell kompetanse
Kandidaten …
• kan analysere relevante akademiske og praktisk-orienterte problemstillingar på individ-, team-, bedrifts-, nettverks- og systemnivå
• kan nytte kunnskap og ferdigheiter i tverrfagleg samarbeid på nye område for å gjennomføre ansvarleg innovasjon og sikre ei berekraftig verdiskaping
• kan kommunisere om faglege problemstillingar, analysar og konklusjonar innanfor fagområdet, både med spesialistar og til allmenta
• kan bidra til nytenking, ansvarleg innovasjon og berekraftig verdiskaping i samfunns- og arbeidsliv.

• Bachelorgrad med 80 studiepoeng fordjuping innanfor:
  • Innovasjon og/eller entreprenørskap
  • Ingeniør- og realfag
  • Berekraft
  • Samfunnsvitskap, administrasjon og økonomi
  • Design
  • Helsefag
• Fagleg minstekrav er et karaktersnitt på C.

Bachelorgrad i ingeniørfag eller realfag (eller tilsvarande) med minst 80 studiepoeng innan ingeniør- og realfag og minst 10 studiepoeng innan for eksempel økonomi/organisasjonsfag/innovasjon. Ingeniørar dekkjer kravet om de 10 studiepoengane gjennom ingeniørutdanninga.

Karakterkrav: eit snitt på minimum C frå heile opptaksgrunnlaget (180 studiepoeng).

Dei fleste emna har kombinerte eksamensformer med éi eller fleire skriftlege oppgåver (gruppeoppgåve/essay, heimeeksamen, refleksjonsrapport) og skriftleg eller munnleg eksamen. På fleire av emna jobbar studentane i grupper med prosjekt/oppgåver som inngår i vurderinga. I alle emne inngår det arbeidskrav som omfattar presentasjonar av fagartiklar, bedriftsdøme og/eller presentasjon av resultat frå gruppearbeid og innleveringar.

Detaljert informasjon om vurderingsformer er å finne i skildringa av kvart enkelt emne.

Undervisningsspråket i masterprogrammet er norsk.

Masterprogrammet er regionalt forankret og har et tett samarbeid med regionalt næringsliv og det regionale innovasjonssystemet. Det er viktig for studentene å forstå den regionale konteksten, uten språklige hindringer.

Mye av pensumlitteraturen vil være på engelsk og studentene kan velge engelsk som språk i innleveringer og på skriftlig eksamen.

Masterprogrammet har varierte arbeids- og undervisningsformer. Utover forelesingar er det ulike studentaktive læringsformer som omfattar oppgåver og gruppearbeid, skriving av tekstar og refleksjonsrapportar, studentaktive seminar der studentar presenterer fagartiklar og bedriftsdøme og arbeider i gruppe og diskuterer aktivt med faglærarar og medstudentar. Tre emne har sterkt innslag av praksisbasert læring, og i andre semester skal studentane hospitere i ei bedrift eller organisasjon i 10 veker.

Studentane er forventa å vere aktive i undervisninga gjennom å stille spørsmål, svare på spørsmål og å vise evne til kritisk refleksjon over fagstoffet.

For å gjere undervisninga praksisnær blir det henta inn gjesteforelesarar, og det blir gjennomført bedriftsbesøk og besøk til aktørar i det entreprenørielle økosystemet. Studentane arbeider med verkelege bedriftsdøme, og studiet er tett knytt til det regionale næringslivet.

Detaljert informasjon om arbeidskrav og undervisnings- og læringsformer er å finne i skildringa av kvart enkelt emne.

Masterprogrammet skal byggje på kompetansen til studentane frå bachelorgraden og gir fleirfagleg og tverrfagleg kunnskap innanfor ansvarleg innovasjon og entreprenørskap.

Ansvarleg innovasjon omfattar nye teknologiar, produkt, prosessar og forretningsmodellar som kan løyse både økonomiske, miljømessige og samfunnsmessige utfordringar. Studiet vil gi ei forståing for korleis slike ansvarlege innovasjonar bidreg til berekraftig verdiskaping, dvs. økonomisk, miljømessig og sosial verdiskaping som tek omsyn til både noverande og framtidige behov. Mens ansvarleg innovasjon handlar om korleis ulike typar innovasjonar (til døme teknologiske og sosiale innovasjonar) vert utvikla på ansvarlege måtar (til døme gjennom inkluderande, etiske og reflekterande prosessar), dreier berekraftig verdiskaping seg om kva tyding slike innovasjonar får for nærings- og samfunnsutviklinga.

Entreprenørskap handlar om korleis individ eller grupper skapar og introduserer innovasjonar, enten i etablerte verksemder eller gjennom oppstartsverksemder. Entreprenørskap krev innsikt i entreprenørielle tankesett og strategiar, kreativitet og innsikt i ulike innovasjonsmetodikkar og verktøy. Dette inneber også eit fokus på korleis entreprenørar nyttar ansvarlege metodikkar og strategiar for å sikre berekraftige, inkluderande og reflekterande innovasjonsprosessar og berekraftig verdiskaping.

Masterprogrammet ønskjer å rekruttere både studentar som ønskjer å utvikle ei eiga verksemd (studententreprenørar) og studentar som ønskjer å jobbe med innovasjonsprosessar i eksisterande verksemder eller organisasjonar innanfor næringslivet, offentleg sektor og frivillig sektor.

Etter endt utdanning kan studentar jobbe i store etablerte selskap, i mindre oppstartsverksemder eller i verksemder som tilretteleggjar for innovasjon, slik som inkubatorar og klyngeorganisasjonar. Studentane kan også jobbe med å leggje til rette for innovasjon i offentleg og frivillig sektor. Praksisopphold i bedrift eller andre organisasjonar i løpet av masterutdanninga gir også jobbmoglegheiter. Du får også god innsikt i korleis du kan utvikle egen bedrift og egne innovasjonsidear.

Nokon vel også å gå vidare til Ph.d.-studium. Ved HVL kan du til dømes søkje opptak til doktorgradsprogrammet i Ansvarleg innovasjon og regional utvikling.

Undervisninga i masterprogrammet vekslar mellom førelesingar, gruppeoppgåver, gjesteførelesingar, individuelle innleveringar, refleksjon, presentasjonar, teamarbeid og rettleiing.

I studieprogrammet er det tett kopling mellom teori og praksis. I 2. semester inngår ein periode med utplassering i bedrift, medan du i 3. semester skal arbeide med innovasjonsprosjekt i team. Fagmiljøet har eit tett samarbeid med regionale næringsklynger, teknologioverføringsselskap (VIS), inkubatorar, etablerte bedrifter/organisasjonar, Connect Vest og Makerspace i praksisemna.

I studiet inngår eitt valfag innan teknologi/realfag som bygger på fagområdet ditt frå bachelorgraden.

I det siste semesteret skriv du masteroppgåva. Du vel problemstilling i masteroppgåva innanfor tema som blir undervist i studieprogrammet.

Oppstart 12. august kl 13.00, Fabrikken, Fabrikkgaten 5 (like ved Kronstad)

Til timeplanen. Merk at timeplanen kan bli endra. Sjekk difor timeplanen din igjen rett før studiestart.

Masterprogrammet i innovasjon og entreprenørskap gir deg teoretisk og analytisk innsikt i korleis du kan bidra til teknologiutvikling, entreprenørskap, bedriftsutvikling og det grøne skiftet.

Tverrfagleg samarbeid, praksisutplasseringar og konkrete caseoppgåver gir deg innsikt i korleis teoriar og metodar som du har lært i utdanninga er relevante for å jobbe med for eksempel, grøn teknologi, innovasjonsleiing eller bedriftsutvikling. Du lærer å forstå, forbetre og endre teknologi, bedrifter og næringsliv, både teoretisk, analytisk og praktisk.

Er du student med eigen forretningsidé? På masterstudiet i Innovasjon og entreprenørskap kan du videreutvikle ideen din både i og utanfor klasserommet. Studiet har to praksisemne kor du kan arbeide med sentrale utfordringar med eigen ide, tett følgd opp av kompetente rettleiarar og med hjelp av medstudentar. I tillegg legger vi til rette for at du kan skrive masteroppgåva di relatert til forretningsideen. Utanfor klasserommet tilbyr HVL Skape rettleiing og oppfølging av studentgründarar, og koplar deg til nettverk og ressurspersonar.

Programmet er ope for studentar med ingeniør- eller realfagleg utdanning.

Ønskjer du å studere innovasjon og entreprenørskap, men har ikkje høve på grunn av jobb? No kan du ta denne mastergraden også på deltid over 4 år.

Undervisningsmåter

Undervisninga i masterprogrammet vekslar mellom førelesingar, gruppeoppgåver, gjesteførelesingar, individuelle innleveringar, refleksjon, presentasjonar, teamarbeid og rettleiing.

I studieprogrammet er det tett kopling mellom teori og praksis. I 2. semester inngår ein periode med utplassering i bedrift, medan du i 3. semester skal arbeide med innovasjonsprosjekt i team. Fagmiljøet har eit tett samarbeid med regionale næringsklynger, teknologioverføringsselskap (VIS), inkubatorar, etablerte bedrifter/organisasjonar, Connect Vest og Makerspace i praksisemna.

I studiet inngår eitt valfag innan teknologi/realfag som bygger på fagområdet ditt frå bachelorgraden.

I det siste semesteret skriv du masteroppgåva. Du vel problemstilling i masteroppgåva innanfor tema som blir undervist i studieprogrammet.