Master i bærekraftig energiteknologi (sivilingeniør)

Kandidaten skal ved avslutta studieprogram ha følgjande læringsutbytte definert i kunnskapar, ferdigheiter og generell kompetanse:

Kunnskapar

Kandidaten …

• har avansert kunnskap om konstruksjon, materialar for og design av energisystem.
• har inngåande kunnskap om energikjelder, om teknologi for hausting og konvertering av energi og om ulike energiberarar med vekt på energieffektivitet og berekraftig bruk av energi.
• har djupnekunnskap innan eit utval av studieprogrammet sine valbare fordjupingar.
• kan analysere sentrale utfordringar og moglegheiter innan fagfeltet med eigna metodar og føreslå økonomisk og teknisk berekraftige løysingar.
• kan nytte og overføre kunnskap til nye tema og problemstillingar innan fagområdet, noko som gir grunnlag for kontinuerleg oppdatering og utviding av kompetansen innan berekraftig energiteknologi.

Ferdigheiter

Kandidaten …

• kan analysere problemstillingar og gjennomføre avanserte utrekningar, målingar og analysar relatert til energisystem og energiberarar.
• kan forhalda seg kritisk til data frå målingar og simuleringar, drøfta presisjon og trekka eigne konklusjonar basert på val og resultat.
• kan analysera relevante teoriar, metodar og tolkingar innanfor området energi og berekraft og samfunnsnytte.
• kan nytta relevante metodar for forsking og fagleg utviklingsarbeid på praktiske og teoretiske problemstillingar innan berekraftig energiteknologi på ein sjølvstendig måte
• kan gjennomføra eit avgrensa forskingsprosjekt innan eit tema relatert til berekraftig energiteknologi både sjølvstendig og med rettleiing, reflektert og i samsvar med forskingsetiske normer.

Generell kompetanse

Kandidaten …

• kan analysere miljømessige, samfunnsmessige og økonomiske konsekvensar av produkt og løysingar innanfor fagområdet sitt frå eit eit livsløpsperspektiv.
• kan anvende relevante uttrykk og omgrep for formidling av eige arbeid og eigne vurderingar med uttrykksformene til faget
• kan analysere problemstillingar og overføre kunnskap og evner til nye problemstillingar og utfordringar innan energi og berekraft, og dessutan visa respekt for verdiar som etikk, openheit og pålitelegheit i eige arbeid
• kan diskutere og formidle resultat og kunnskap om energiteknologi og kan bidra til å synleggjera tydinga og konsekvensane av teknologien til ulike målgrupper, både skriftleg og munnleg, på norsk og engelsk.
• kan arbeida sjølvstendig og i grupper i ein tverrfagleg samanheng og reflektere over eiga fagleg utøving.
• har fagleg grunnlag for aktiv deltaking i nytenking og innovasjonsprosessar basert på inngåande kunnskap og ferdigheiter om berekraftig energiteknologi .

Relevant 3-årig ingeniørutdanning, eller tilsvarande utdanning som fyller krava i forskrift om rammeplan for ingeniørutdanning. Snittkarakter på minimum C.

Vidare vert det stilt følgjande krav til fagleg innhald, utover minimumskrava i rammeplanen:

• Minst 25 studiepoeng i matematikk

• Minst 5 studiepoeng i statistikk

• Minst 7,5 studiepoeng i fysikk, kor 5 studiepoeng skal vere i termodynamikk/teknisk varmelære

• Minst 5 studiepoeng i fluidmekanikk

Dersom det er fleire søkarar til programmet enn det er plassar, vil søkarane bli rangerte etter karakterane i opptaksgrunnlaget.

Kandidatane har etter fullført utdanning rett til å nytte den beskytta tittelen sivilingeniør.

Følgjande vurderingsformer vert brukt i løpet av studiet:

• Skriftleg skuleeksamen
• Heimeksamen
• Oppgåver
• Mappevurdering
• Munnleg eksamen
• Justerande munnleg eksamen

Dei fleste emna har kombinerte vurderingsformer med eit prosjektarbeid og deretter ein skriftleg eller munnleg eksamen. Eit par emne nyttar òg mappeeksamen med fleire skriftlege innleveringar i løpet av semesteret. Masteroppgåva er eit individuelt arbeid, medan gruppeoppgåver inngår som ein del av vurderinga i mange emne.

Følgjande arbeidsformer vert brukt i løpet av studiet:

• Forelesningar
• Sjølvstudium
• Rekne-/dataøvingar
• Laboratorieøvingar
• Rettleiing (individuelt og i grupper)
• Prosjektarbeid (individuelt og i grupper)
• Gruppearbeid
• Diskusjonar

… og det kreves og forventes ein høg del av studentaktive arbeidsformer i alle emner / læringsaktiviteter.

Medan emnet rettleia sjølvstudium og masteroppgåva er store individuelle oppgåver, er det mykje prosjektarbeid i dei andre emna. Laboratorieøvingane og ein del av prosjektoppgåvene skal gi studentane praktisk erfaring med komponentar i energisystem. Dataøvingar gir studentane erfaring i bruk av relevant programvare og programmering, medan studentane fordjupar og nyttar kunnskap frå forelesningar i rekneøvingar.

Ingen obligatorisk praksis.

Det er nokre gonger mogleg å vere utplassert i bedrifta eller institusjonen som er oppdragsgivar for masteroppgåva (eller i forbindelse med emnerelatert prosjektarbeid).