MGLU5242 Vitenskapsteori og metode (samfunnsfag, KRLE, pedagogikk)

KUNNSKAP  

Studenten 

• har inngåande kunnskap om ulike forskingsparadigme og samanhengar mellom ontologisk og epistemologisk ståstad og val av forskingsmetodar 

• har inngåande kunnskap om særtrekk ved ulike forskingsdesign og forskingsmetodar og om korleis dette kan fremje vitskapleg tenkemåte i skulen. 

• har avansert kunnskap om personvern og forskingsetiske retningslinjer  

• har avansert kunnskap om korleis vitskapleg fagstoff frå eiga forsking blir presentert og gjort relevant for fagleg og pedagogisk arbeid i skulen 

• har inngåande kunnskap om ulike metodar for datainnsamling og analyse av datamateriale og om korleis dette kan brukast i eiga undervisning i skulen. 

• har inngåande kunnskap om vitskapsteori og kvalitative og kvantitative metodar for sjølv å kunne gjennomføre vitskaplege undersøkingar innanfor sitt fagområde 

FERDIGHEITER  

Studenten 

• kan designe og gjennomføre sjølvstendige forskingsprosjekt/empiriske undersøkingar og forhalde seg kritisk til eigne val

• kan gjere grunngjevne val av metodar for innsamling og analyse av datamateriale og bruke dette didaktisk i arbeid med utforskande undervisning 

• kan vurdere om prosjektet gjer det naudsynt med søknad om prosjektgodkjenning frå SIKT og kan i samarbeid med rettleiar søkje om dette dersom det er påkravd 

• kan analysere og forhalde seg kritisk til kunnskapskjelder (faglitteratur og datamateriale) og bruke dei til å strukturere og formulere faglege resonnement 

• kan analysere og forhalde seg kritisk til nasjonal og internasjonal fagleg relevant forsking og anvende denne kunnskapen i profesjonsutøvinga 

GENERELL KOMPETANSE  

Studenten 

• kan analysere relevante problemstillingar knytt til eige forskingsfelt og skulefag 

• kan bidra til utviklingsarbeid som fremjer fagleg og pedagogisk nytenking i skulen 

• kan bruke vitskapleg tenkemåte i klasserom, skule og lærarprofesjon 

• kan vurdere og kvalitetssikre eiga og andre si forsking og bruke forsking i arbeid i skulen  

Bestått 30 studiepoeng i samfunnsfagemne på masternivå i fjerde studieår i grunnskulelærerutdanninga, eller tilsvarande. 

eller 

Pedagogikk og elevkunnskap 4 

eller 

bestått 30 SP emne på masternivå i KRLE i fjerde studieår i grunnskulelærerutdanninga eller tilsvarande. 

Bestått samfunnsfag 1 og skriftleg eksamen i samfunnsfag 2 

eller 

bestått Pedagogikk og elevkunnskap 1,2 og 3. Bestått 30 studiepoeng i emne på masternivå i sosialpedagogikk eller spesialpedagogikk i tredje studieår i grunnskulelærerutdanninga. 

eller 

bestått KRLE 1 og KRLE 2 (totalt 60 studiepoeng)

eller

bestått 60 studiepoeng i tegnspråk.

Skriftlege og munnlege arbeidskrav individuelt eller i grupper, samt obligatorisk oppmøte på enkelte undervisningsøkter. Obligatorisk deltaking på opplæring i bruk av generativ kunstig intelligens Detaljerte krav og innleveringsfristar blir kunngjort ved semesterstart. Studentane skal levere ei prosjektoppgåve som skal vere eit forprosjekt til masteroppgåva, der dei skildrar og grunngir tema, problemstilling, teori og metodar. 

Obligatoriske arbeidskrav må vere godkjende før ein kan framstille seg til eksamen.

Eksamen er ein 6 timar skriftleg skuleeksamen utan hjelpemiddel.