MGLU3101 Norsk 2 (1-7): Lesing, skriving og muntlighet i ulike tekstkulturer

Emnet er inndelt i to like store hovudområde som går parallelt i vårsemesteret. Læringsutbytteformuleringane blir ivaretekne i begge hovudområda.

KUNNSKAP

Studenten

• har kunnskap om litteraturhistorie og ulike litteraturteoretiske perspektiv, og brei kunnskap om skjønnlitteratur i ulike sjangrar

• Har brei kunnskap om litteratur- og språkdidaktiske tilnærmingar

• har god kunnskap om munnleg kommunikasjon og den vidare opplæringa i lesing og skriving

• har brei kunnskap om språket som system, språkleg variasjon og språket i bruk

• har kunnskap om samisk språk, nasjonale minoritetsspråk og nabospråk

FERDIGHEITER

Studenten

• kan bruke tekst- og litteraturkunnskap , grammatikk og språkkunnskap i analyse av munnlege, skriftlege og multimodale tekstar

• kan legge til rette for variert arbeid med skjønnlitteratur og saktekstar i tradisjonelle og moderne medium

• kan legge til rette for at elevar på 1.-7. trinn lærer å lese, skrive og diskutere saktekstar og skjønnlitterære tekstar i ulike sjangrar og medium

• kan gi tilpassa opplæring i munnleg og skriftleg norsk for elevar med varierande ferdigheiter i norsk og elevar med norsk som andrespråk

• kan bruke relevante metodar og ny teknologi på måtar som fremjar samarbeid og fagleg progresjon i lese- og skriveopplæringa

• kan skrive akademiske fagtekstar på nynorsk og bokmål

GENERELL KOMPETANSE

Studenten

• har innsikt i skulefagets historie og eigenart som språk-, kultur-, litteratur- og danningsfag

• kan formidle fagstoff om språk, litteratur, tekstar og medium i relevante uttrykksformer

• kjenner til norskdidaktisk forsking og utviklingsarbeid og kan drøfte forskingsetiske problemstillingar

• kan planlegge, gjennomføre og vurdere fagleg og tverrfagleg utviklingsarbeid på 1.-7. trinn

Vurderinga er todelt og kjem ved semesterslutt:

• Delvurdering 1 består av ei individuell FoU-oppgåve. Alle hjelpemiddel er tillatne, men med restriktiv bruk av KI (sjå presisering under).

• Delvurdering 2 består av ein individuell munnleg eksamen. Individuelt munnleg framlegg med påfølgjande eksaminering. Retningsliner for munnleg eksamen blir gitt ved semesterstart. Alle hjelpemiddel er tillatne i førebuingstida.

Sentralt i emnet er studentane si evne til å formidle og diskutere norskfaglege tematikkar. Sjølvstende og evne til kritisk problemløysing samt språkføring og framstillingsevne blir vurdert. Bruk av KI som tekstgenerator og omsetjingsverktøy er derfor ikkje tillate.

FoU-oppgåva er knytt til eitt av dei to hovudområda. Munnleg eksamen legg hovudsakleg vekt på tema innan det hovudområdet som ikkje er knytt til FoU-oppgåva. Dersom ein kandidat ikkje består emnet, er det tilstrekkeleg å ta opp igjen den delvurderinga som er vurdert til stryk. Ved stryk på FoU-oppgåva er det høve til å levere forbetra oppgåve til vurdering éin gong (blir rekna som eksamensforsøk nummer to). Ved tredje eksamensforsøk må det leverast ei heilt ny oppgåve. Dersom ein kandidat ynskjer å forbetre karakteren i emnet, kan ho sjølv velje om ho vil ta opp berre den eine eller begge delvurderingane.

Det er høve til å klage på delvurderingar i emnet (gjeld ikkje munnleg eksamen).

Studentane kan bli vurderte og pålagde arbeidskrav og oppmøte i samband med fellesfaglege tema.

Obligatoriske arbeidskrav:

Obligatoriske arbeidskrav: 

• 75 % obligatorisk deltaking i undervising

• Eit gruppearbeid med produksjon av samansett tekst og munnleg framlegg i gruppe, knytt til hovudområde 1.

• Ei skriftleg innlevering i par eller gruppe, knytt til hovudområde 2. Innleveringa skal  skrivast i den målforma som ikkje vert nytta i FoU-oppgåva.  

Obligatoriske arbeidskrav vert vurderte til godkjent/ikkje godkjent. Alle obligatoriske arbeidskrav må vere godkjende før ein kan framstille seg til eksamen.