MGLU2101 Norsk 1 (1-7) emne 2: Språk og tekst 2

KUNNSKAP Kandidaten

• har omfattande kunnskap om barns språkutvikling på småtrinnet
• har kunnskap om språkleg identitet, norsk som andrespråk og fleirspråkleg praksis
• har kunnskap om kva som kjenneteiknar munnlege og multimodale tekster
• har kunnskap om skjønnlitteratur i ulike sjangrar og medium, og i båe målformer, med vekt på litteratur for barn på småtrinnet
• har brei kunnskap om metodar i den første lese- og skriveopplæringa
• har kunnskap om kartleggingsprøver og læremiddel for småtrinnet, både digitale og andre
• har kunnskap om skriftspråk i Noreg og nynorsk språkføring
• har kunnskap om relevante forskingsmetodar i norskfaget og etikk knytt til forskning som involverer elevar

FERDIGHEITER Kandidaten

• kan bruke kunnskap om språk og språkutvikling i språkstimulerande arbeid og gjere greie for fagdidaktiske val som skal fremje munnleg og skriftleg språkutvikling for alle elevar på småtrinnet
• kan bruke kunnskap om kva som kjenneteiknar ulike tekster og sjangrar i arbeid med munnlege og multimodale tekster i ulike medium
• kan planlegge, gjennomføre og evaluere elev- og klassesamtaler
• kan bruke ulike metodar i den første lese- og skriveopplæringa og tilpasse opplæringa for elevar med ulik bakgrunn og varierande ferdigheiter i norsk
• kan kjenne att teikn på lese-, skrive- og språkvanskar
• kan kartlegge og vurdere lese- og skriveferdigheiter og gi læringsfremjande respons til alle elevar på småtrinnet
• kan vurdere norskfaglege læremiddel for småtrinnet, digitale og andre
• meistrar nynorsk og kan undervise elevar om og på nynorsk
• kan bruke relevante forskingsmetodar i norskfaget på ein etisk forsvarleg måte

GENERELL KOMPETANSE Kandidaten

• kan legge til rette for at elevane på småtrinnet utviklar og vidareutviklar grunnleggande språkferdigheiter og blir tekstkyndige språkbrukarar som kan delta aktivt i klasserommet og på andre sosiale arenaer
• kan planlegge og gjennomføre norskundervisning på småtrinnet i sentrale emne og gjere greie for elevtilpassa fagdidaktiske val
• kan vurdere eigen praksis på småtrinnet med gjeldande læreplanar, fagkunnskap og fagdidaktisk innsikt som grunnlag

Obligatoriske arbeidskrav:

• Inntil to skriftlege innleveringar
• Inntil to munnlege presentasjonar
• 75% obligatorisk deltaking i undervising, verkstadarbeid og innleveringar av øvingar i samsvar med semesterplanen

Obligatoriske arbeidskrav blir vurderte med godkjent/ikkje godkjent. Alle arbeidskrav må vere godkjende for at kandidaten skal kunne gå opp til eksamen.

Studentane kan bli vurderte, pålagde arbeidskrav og oppmøte knytte til fellesfaglege tema.

Gruppemunnleg med grupper på inntil fire studentar, der vurderinga er individuell. Lengde på munnleg eksamen er inntil 45 minutt.

Ordinær eksamen: Gruppemunnleg.

Utsatt eksamen: Munnleg eksamen (gruppe/individuell). Ved få oppmelde studentar vil utsatt eksamen vere individuell munnleg eksamen med tidsramme på 30 minuttar.