SKOLE6033 Skriving og lesing i begynneropplæringa

Kunnskap

Studenten har

• teoretisk kunnskap om ulike perspektiv på barn si utvikling av lese- og skrivekompetanse i dei første skuleåra
• brei kunnskap om didaktiske tilnærmingar til tidleg skriving og lesing - inkludert strukturerte og utforskande arbeidsmåtar
• kunnskap om faglege tilnærmingar som kan førebyggje lese- og skrivevanskar og fremje skrive- og leseutvikling hjå elevar med ulik fagleg ståstad og ulik språkbakgrunn

Ferdigheiter

Studenten kan

• leggje til rette for utforskande, kreativt og leikprega arbeid med språk og tekst i den første skrive- og leseopplæringa
• bruke samtale om elevane sine eigne tekstar på hensiktsmessige måtar for å styrkje elevane sitt språklege medvit og utvikle lese- og skrivekompetanse
• vurdere kvar elevane er i lese- og skriveutviklinga si og nytte dette som grunnlag for tilpassa opplæring
• analysere barn sine tekstar med vekt på ulike formål med skrivinga

Generell kompetanse

Studenten kan

• analysere og vurdere relevante problemstillingar knytte til tidleg skrive- og leseopplæring
• gjere seg nytte av innsikter frå forsking på språklæring, skriving og lesing i planlegging og gjennomføring av undervisning
• gjere kritiske vurderingar av undervisningsressursar utvikla for den første skrive- og leseopplæringa

Mellom samlingane skal studentane utføre obligatoriske arbeidsoppdrag. Desse vil mellom anna vere knytte til arbeid med elevar og kollegar på eigen skule. All obligatorisk skriftleg aktivitet i dette emnet skal gå føre seg på nynorsk (inkludert digital presentasjon på munnleg eksamen). Det er krav til 80% oppmøte på samlingar.

Obligatoriske aktivitetar blir vurderte til godkjent/ikkje godkjent. Alle obligatoriske aktivitetar må vere godkjende før studenten får gå opp til eksamen.

Eksamen i emnet blir gjennomført som ein todelt munnleg eksamen; først ein presentasjon og deretter ein samtale med tema frå emnet. Presentasjonen skal utarbeidast på grunnlag av ei oppdrag som er gitt på førehand. Tillatne hjelpemiddel her er ein digital presentasjon (PowerPoint eller tilsvarande) og eit notat på inntil 1 maskinskriven side.

Emnet går over eitt semester med tre fysiske samlingar i Trondheim. Oppmøte på samlingane er obligatorisk.

Mellom samlingane blir det lagt opp til sjølvstudium, arbeid med ulike oppdrag og deltaking på læringsplattforma - individuelt og i grupper.

Undervisninga vekslar mellom forelesingar, diskusjonar, praktiske øvingar, tekstseminar og studentpresentasjonar - både munnlege og skriftlege. Arbeidd med akademisk lesing og skriving blir knytt til aktivitetar undervegs.

Obligatoriske aktivitetar:

• Framlegg på samling
• Analyse av elevtekst
• Innhenting av empiri frå eigen praksis (til arbeid på samling og som førebuing til eksamen)