MGLU5202 Masteroppgave i norskdidaktikk

Kunnskap

Studenten

• har avansert, spesialisert kunnskap innanfor eit avgrensa område i norskdidaktikk
• har inngåande kunnskap om sentrale fagdidaktiske utfordringar med utgangspunkt i fagområdets forsking, historie, tradisjonar, eigenart og plass i samfunnet
• har inngåande kunnskap om utforming av eit relevant, norskdidaktisk forskingsprosjekt
• har inngåande kunnskap om kva som krevst av vitskaplege tekstar i norskdidaktikk
• har kunnskap om vitskaplege referansestandardar

Ferdigheiter

Studenten

• kan under rettleiing utforme og gjennomføre eit forskingsprosjekt i tråd med gjeldande forskingsetiske normer
• kan vurdere og diskutere relevant norskdidaktisk forsking på ein sjølvstendig måte
• kan sette seg inn i teori og forskingslitteratur som er relevant for å drive forsking innanfor eit avgrensa område i norskdidaktikk
• kan analysere og tolke empiri i lys av teori
• kan forhalde seg kritisk til ulike kunnskapskjelder
• kan referere til informasjonskjelder i samsvar med anerkjende standardar

Generell kompetanse

Studenten

• kan bruke fagkunnskapane sine til å designe forskingsprosjekt som svarar på relevante norskdidaktiske problemstillingar
• kan formidle sjølvstendig forskingsarbeid med bruk av norskdidaktikkens fagspråk
• kan kommunisere om problemstillingar, empiriske analysar og konklusjonar innanfor norskdidaktikkens fagområde til fagspesialistar og lærarar
• kan bruke erfaring frå eiga forsking til å innta ei leiande rolle i utviklinga av norsk som undervisingsfag i skulen

OBLIGATORISKE AKTIVITETAR

• Obligatorisk deltaking på eventuelle grupperettleiingar, fellesseminar eller presentasjonar som blir tilbydd
• Obligatorisk individuell rettleiing i form av rettleier-studentmøte

Obligatoriske aktivitetar blir vurdert som godkjent eller ikkje godkjent. Alle obligatoriske aktivitetar må vere godkjende for at studenten skal kunne levere masteroppgåva.

VURDERING

Masteroppgåva blir normalt skriven i monografiform. Oppgåva blir levert individuelt eller som eit fellesarbeid for to studentar. Viss oppgåva blir levert som fellesarbeid skal studentane signera ein samarbeidsavtale og leggja ved ei samarbeidsbeskriving ved innlevering av masteroppgåva. Når masteroppgåva blir levert som eit fellesarbeid, blir det normalt gitt ein felles karakter på oppgåva. Ettersom kandidatane har individuell klagerett kan det i sjeldne tilfelle likevel vere aktuelt å vurdere kandidatane ulikt. Alle masteroppgåver, uavhengig av om dei er skrive individuelt eller i samarbeid, blir vurdert av éin intern og éin ekstern sensor.