MPUV505 Utdanningsforskning i praksis

Etter fullført emne skal studenten ha følgjande læringsutbytte definert i kunnskap, ferdigheiter og generell kompetanse:

Kunnskapar

Studenten

• har avansert kunnskap om sambandet mellom forskingsbasert kunnskap og praktisk kunnskap i møtet med yrkesutøving i utdanningsinstitusjonar
• kjenner eksisterande forsking og kunnskapsfront innan det utdanningsvitskaplege eller pedagogiske feltet som er relevant for problemstillinga i masteroppgåva
• har kunnskapar om oppbygging av eit forskingsprosjekt og den akademiske tekstproduksjonen som er innebygd i intersubjektiv kunnskapsproduksjon
• har inngåande kjennskap til relevante teoriar og diskursar om læring og utvikling i skuleverket, og måtar forskingsbasert kunnskap kan knytast til erfaringsbasert kunnskap

Ferdigheiter

Studenten

• kan utvikle problemstilling og forskingsspørsmål i lys av praktiske behov i skular og utdanningsinstitusjonar og knyte desse til eksisterande kunnskap
• kan danne seg oversikt over og vurdere aktuell forsking på eit avgrensa forskingsfelt og gå gjennom kunnskapsstatus (eller liknande) og analysere relevansen av funn i forhold til ei vald problemstilling
• kan bruke andre sine akademiske tekstar analytisk i eige forskingsarbeid
• kan reflektere over forskingsfunn sin relevans for konkret utviklingsarbeid i utdanningsverksemder

Generell kompetanse

Studenten

• kan planlegge og utvikle eit forskingsprosjekt og kjenne til ulike deler av intersubjektive kunnskapsutviklingsprosessar
• kan vurdere relevans, innhald og argumentasjon i akademiske tekster og knyte desse til eiga forsking
• kan nytte eigne og andres undersøkingar i praktisk utviklingsarbeid i skular eller utdanningsinstitusjonar
• kan kvalitetssikre forsking med utgangspunkt i lover, reglar og forskingsetikk i møte med praktisk arbeid i skular og utdanningsinstitusjonar

Emnet vil bli lagt opp med samlingar (fysiske og digitale), nettmøte, samt eige arbeid og rettleiing (individuelt og i gruppe) mellom samlingane. Utvikling av eige forskingsprosjekt i form av planlegging av masteroppgåva er ein gjennomgåande og sentral læringsaktivitet.

Det er inntil to samlingar á 3 dagar i emnet.

Oppgåve. Innlevering av skriftleg prosjektskisse. Omfang: 4000 til 5000 ord. Framside, innhaldsliste og litteraturliste kjem i tillegg.

Karakterskala: Bestått/Ikkje bestått.

Det er mogeleg å levere forbetra versjon i påfølgjande semester. Det er berre mogeleg å levere forbetra versjon med same problemstilling ein gong. Etter dette må det skrivast heilt ny oppgåve.

Følgande obligatoriske læringsaktivitar må være godkjende av faglærar før studenten kan framstille seg til eksamen:

• Gjennomføre og presentere ein litteraturreview av eit utval fagfellevurderte artiklar med relevans for masteroppgåve. Munnleg presentasjon på samling.
• Levere utkast til prosjektskisse som inneheld oversyn over tema, problemstilling, forskingsspørsmål/hypotesar, metode for datainnsamling, analyseverktøy og tidsplan. Delta på tekstseminar med rettleiarar og medstudentar. Gi tilbakemelding i seminar på ein medstudent si skisse.
• Formidling av prosjektskisse på digital konferanse.

Nærare retningslinjer for læringsaktivitetane gis ved semesterstart.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.