MASS530 Sosiale endringsprosessar og prosjektledelse i samfunnsarbeid

Ein student med fullført emne skal ha følgande totale læringsutbytte definert i kunnskap, ferdigheiter og generell kompetanse:

Kunnskap:Studenten…

• har avansert kunnskap om og kan reflektera kritisk over ulike metodiske tilnærmingar og verktøy i samfunnsarbeid
• har inngåande kunnskap om vilkår for sosial deltaking i utviklingsprosessar
• har inngåande kunnskap om sentrale aspekt ved prosjektarbeid og prosessleiing.
• har inngåande kunnskap om forholdet mellom planarbeid og innbyggarmedverknad.

Ferdigheiter :Studenten…

• kan identifisera kritiske faktorar i utviklingsprosessar og vera kritisk reflekterande rundt eige prosjekt
• kan vera katalysator i sosiale endringsprosessar ved å velja, iverksetta og grunngje metodeval i samfunnsarbeid
• kan bruka kunnskapen for å mobilisera til sosial deltaking i ulike fellesskap for ulike grupper menneske
• kan planlegga, gjennomføra, ferdigstilla og evaluera ulike endringsprosjekt og involvera dei det gjeld i alle delar av prosessen
• kan analysera ulike vilkår for gjennomføring av samfunnsarbeidsprosjekt
• kan analysera og forhalde seg kritisk til ulike deltakerdemokratiske metodar i ulike kontekstar.

Generell kompetanse:Studenten…

• kan analysera relevante fag- og yrkesetiske problemstillingar i prosjekt - og prosessleing
• kan nytte sin kunnskap og evner på nye områder for å gjennomføra avanserte prosjekt og arbeidsoppgåver innan samfunnsarbeid
• er medviten rolla som samfunnsarbeidar
• kan formidla faglege problemstillingar, analysar og konklusjonar til fagfeltet og ålmenta
• kan bidra til nytenking og innovasjonsprosessar

Todelt eksamen: Prosjektarbeid med prosjektrapport og munnleg eksamen i gruppe

Studentane skal iverksette ein tenleg form for medverknadsprosess basert på samfunnsarbeid i eit prosjekt der dei samarbeider med eksterne partnarar. Eksamen vert førebudd og gjennomført som gruppearbeid der studentane gjer val i prosess saman med eksterne partnarar knytt til samfunnsarbeidsmetodar. Studentgruppene samarbeider med eksterne partnarar etter forslag frå faglærar. Gruppene kan ha 3-5 deltakarar, avhengig av det totale arbeidsomfanget i det aktuelle prosjektet. Perioden prosjektet strekkjer seg over avtaler gruppa i dialog med faglærar og ekstern partner.

1. Prosjektrapport på 4000 ord ( +/- 10 %), tel 50% av endeleg karakter
2. Munnleg eksamen i gruppe med presentasjon av samfunnsarbeidsprosjektet,omlag 35 minutt. Munnleg eksamen vil organisert som ei ope samling der dei eksterne partnaranevert invitert til å delta, tel 50% av endeleg karakter.

Vurderingsuttrykk

Gradert karakterskala A til F, der A til E er beståtte karakterer og F er ikkje bestått.

Ny eksamen

Ved ikkje bestått eksamen må den delen som ikkje er bestått takast på nytt.

Følgjande obligatoriske læringsaktivitet må vera godkjent for at studenten kan framstille seg til eksamen:

1. Skriftleg individuell oppgåve på 2000 ord +/- 10% med tema: "Refleksjon over rolla som samfunnsarbeidar"

2. Krav om 80% frammøte på obligatorisk undervising, seminar og work-shop

Studenten reflekterer over eigen læringsprosess i emnet og eiga rolle som samfunnsarbeidar. Refleksjonsoppgåva føreset av studenten i heile emneperioden har arbeidd med prossessar og prosessleiing i samfunnsarbeid og ført eigen logg med refleksjon over ulike delar av arbeidet og ulike roller.