KAS590 Masteroppgave i avansert klinisk allmennsjukepleie

Ein student med fullført emne har følgjande totale læringsutbytte definert i kunnskap, ferdigheiter og generell kompetanse:

Kunnskap:

Studenten…

• kan gjere greie for sentrale teoriar og metodar på fagområdet og arbeide sjølvstendig med teoretisk problemløysing
• kan analysere og stille seg kritisk til relevante teoriar og nasjonal og internasjonal forsking på området

Ferdigheiter:

Studenten …

• kan analysere kliniske, faglege og etiske problemstillingar på sitt eige fagområde
• har inngåande kunnskap om dei ulike delane av forskingsprosessen
• kan bruke relevante forskingsmetodar i eit sjølvstendig, avgrensa forskingsarbeid
• kan stille seg kritisk til ulike informasjonskjelder
• kan anvende forskingsetiske retningsliner i eige forskingsarbeid

Generell kompetanse:

Studenten...

• kan gjennomføre eit sjølvstendig, avgrensa forskingsprosjekt under rettleiing og i tråd med gjeldande lover og vitskaplege og forskingsetiske normer og formidle kunnskap frå dette
• kan arbeide analytisk og peike på behov for innovasjon og tenesteutvikling
• kan bidra med kunnskapsbaserte argument i allmennsjukepleie

Til og med kull 2025:

KAS530 Prosjektplan, MAMET1SKA Etikk, vitskapsteori og metode og KASP540 Praksisstudium i avansert klinisk allmennsjukepleie.

Alle emna i studieprogrammet må vere bestått før innlevering av masteroppgåva.

Frå og med kull 2026:

MAMET2SKA må vere bestått før ein startar på KAS590. Alle emna i studieprogrammet må vere bestått før innlevering av masteroppgåva.

Forelesingar, sjølvstudium, seminar og rettleiing blir brukt som undervisnings- og læringsformer. Med bakgrunn i tema, problemstilling og metodeval får studenten tildelt ein rettleiar. Den individuelle rettleiinga baserer seg på at studenten sjølv tek ansvar for progresjonen i arbeidet. Det blir lagt opp til felles digitale seminar eller seminar med fysisk oppmøte undervegs der studentane skal leggje fram og drøfte arbeidet sitt med medstudentar og rettleiarar.

Rettleiinga kan foregå individuelt, i seminar og/eller i gruppar.

Masteroppgåve

Masteroppgåva kan vere eit frittståande arbeid, eller inngå som ein avgrensa og sjølvstendig del av eit pågåande forskingsprosjekt.

Masteroppgåva utarbeidast i grupper på to studentar. Studentar kan få høve til å skrive individuelt basert på søknad. Dersom ein skriv i grupper, skal den enkelte student sitt bidrag beskrivast i eit vedlegg til oppgåva.

Alternativ 1: Artikkel som tilfredsstiller kvalitetskrava til eit nasjonalt eller internasjonalt vitskapleg tidsskrift: Kappe på inntil 7500 ord og artikkel som føl tidsskriftet sine retningslinjer.

Alternativ 2: Monografi med eit omfang på inntil 15000 ord.

Justerande munnleg eksamen

Justerande munnleg eksamen inneheld ein presentasjon på inntil 15 minutt og ein eksaminasjon på inntil 45 minutt med utgangspunkt i masteroppgåva. Ei samla vurderinga av den munnlege prestasjonen kan justere karakteren på masteroppgåva opp eller ned med ein karakter. Det blir gitt ein samla karakter etter justerande munnleg.

Vurderingsutrykk

Gradert karakterskala A til F, der A til E er beståtte karakterar og F er ikkje bestått.

Ny eksamen

Ved ikkje bestått (karakter F) kan studenten levere bearbeida versjon til ny eksamen.

Justerende muntlig eksamen gjennomføres som ved ordinær eksamen.

Alle

Meir om hjelpemiddel.

Følgjande obligatorisk læringsaktivitet må være godkjend før studenten kan framstille seg til eksamen:

1. 90 % deltaking i studentaktiv undervisning (seminar med presentasjon av prosjektet og medstudentrespons)