PPUA307 Praksis 1

Ved fullført praksisemne skal studenten ha følgjande totale læringsutbytte:

Kunnskapar

Studenten

• har kunnskap om læringsperspektiv, læringsarenaer og pedagogiske verktøy/arbeidsmetodar generelt og særleg i opptaksfaget

Ferdigheiter

Studenten

• kan planlegge, gjennomføre og vurdere eiga og andre si undervisning med utgangspunkt i nasjonale og lokale styringsdokument
• kan tilpasse opplæringa til eleven og elevgruppa sine føresetnader

Generell kompetanse

Studenten

• kan kristisk reflektere over faglege, profesjonsetiske spørsmål
• kan opptre profesjonelt og rette seg etter gjeldande normer, reglar og lover i arbeidslivet

I starten av praksisperioden skal studenten observere praksislærar og eventuelt andre lærarar si undervisning. Vidare skal studenten gradvis få meir sjølvstendig ansvar for planlegging, gjennomføring og vurdering av eiga undervisning. Så langt det er mogleg følger studenten arbeidsdagen og arbeidsoppgåvene til praksislærar. Dette inkluderer teamarbeid, møte, skule-heim-samarbeid og andre relevante arbeidsoppgåver.

Etter avtale med praksislærar skal studenten levere eit planleggingsdokument når studenten har ansvar for undervisning. Praksislærar skal få planleggingsdokumentet i god tid før undervisninga slik at studenten kan få rettleiing i forkant av undervisningsøkta. Etter avtale med faglærar på PPU skal studenten levere tre ferdig utfylte didaktiske planleggingsdokument i løpet av praksisperioden.

Obligatorisk 30 dagar rettleidd og vurdert praksis fordelt på haust og vår. Det er krav om at studenten er 100% til stades.

Sluttvurdering vår: Bestått/Ikkje bestått.

Studenten skal få ei individuell skriftleg sluttvurdering av praksislærar.

Studenten kan ikkje klage på vurderingsresultat i praksis. Dersom praksis ikkje er bestått, kan studenten gjennomføre andre forsøk neste gang emnet går ordinært. Dette kan påverke studenten sin studieprogresjon.

Stord: Thomas Arnesen

Sogndal: Thorvald Røneid Moen