OPR512 Operasjonssykepleie, hygiene og kirurgi

Ein student med fullført emne skal ha følgande totale læringsutbytte definert i kunnskap, ferdigheiter og generell kompetanse:

Kunnskap:

Studenten:

• har inngåande kunnskap om kirurgisk undersøking og behandling
• har avansert kunnskap om kirurgiske instrument, bruksområde og sterilforsyningskjeden
• har avansert kunnskap om kirurgisk leiring og hypotermi
• har inngåande kunnskap om pre- og postoperativ sjukepleie
• har inngåande kunnskap om traumatologi og traumebehandling
• har inngåande kunnskap om relevant teknologi som nyttast til kirurgisk behandling
• har inngåande kunnskap om operasjonssjukepleiaren si rolle ved beredskap- og krisehandtering ved større ulukker, pandemi, terror og i krigs- og katastrofeområde
• har avansert kunnskap om operasjonsavdelinga si oppbygging, utforming og funksjoner
• har brei kunnskap om lover, forskrifter og informasjonssikkerheit knytt til bruk av medisinsk utstyr og digitale verktøy som er relevant for yrkesutøvinga
• har inngåande kunnskap om leiing, organisering og endringsprosessar av tverrprofesjonelle tenester som er relevant for operasjonssjukepleien
• har inngåande kunnskap om ikkje-tekniske ferdigheiter; situasjonsforståing, avgjerdstaking, oppgåveløysing og teamarbeid

Ferdigheiter:

Studenten:

• kan bruke personsentrert operasjonssjukepleie i samsvar med lover, forskrifter, retningslinjer og rammebetingelser
• kan analysere og vurdere risikofaktorar i gjennomføring av kirurgisk behandling
• kan analysere og vurdere risikofaktorar i gjennomføringa av kirurgisk leiring
• kan analysere og vurdere risikofaktorar for å forebygge utilsikta hypotermi
• kan analysere risikofaktorar hos operasjonspasienten og kirurgisk inngrep/undersøking for å forebygge komplikasjonar og uønskte hendingar
• kan analysere, vurdere og handtere etiske dilemma relatert til operasjonssjukepleie

Generell kompetanse:

Studenten:

• kan anvende kunnskapar og ferdigheiter for å ivareta pasientsikkerheit i risikofylte overgangar i det perioperative forlaup
• kan analysere, vurdere og handtere komplekse og kritiske situasjonar i samsvar medhelselovgivinga og profesjonsetikk
• kan innhente spesialisert kunnskap frå relevante fagområde og anvende kunnskapen i utøvinga av operasjonssjukepleie

Bestått emna:

OPR510 - Operasjonssjukepleie, pasientsikkerheit og kunnskapsbasert praksis

OPR511 - Fysiologi, mikrobiologi, fagleiing, og teknisk kompetanse i operasjonssjukepleien

Bestått OPR510

Gjennomført OPR511

Skriftleg skuleeksamen

Omfang på 6 timar.

Tid og stad for eksamen, sjå Studentweb.

Vurderingsuttrykk

Gradert karakterskala A til F, der A til E er beståtte karakterar og F er ikkje bestått.

Følgande obligatoriske læringsaktivitetar må vere godkjende for at studenten kan framstille seg til eksamen:

• ferdighetstrening
• simulering

Godkjent obligatorisk arbeidskrav er gyldig i dei to følgjande semestera.