OPR510 Operasjonssykepleie - fag og profesjon

Ein student med fullført emne skal ha følgande totale læringsutbytte definert i kunnskap, ferdigheiter og generell kompetanse:

Kunnskap:

Studenten:

• har avansert kunnskap om operasjonssjukepleiar sitt ansvar og funksjonsområde
• har inngåande kunnskap om operasjonssjukepleiaren sitt fysiske og psykososialearbeidsmiljø, stressreaksjonar, meistringsstrategiar og korleis arbeidsbelastning kan førebyggast og reduserast
• har avansert kunnskap om personsentrert operasjonssjukepleie
• har inngåande kunnskap om operasjonspasienten og pårørande sine behov i eit alders-,kjønns-, sosialt- og fleirkulturelt perspektiv
• har avansert kunnskap om kommunikasjon og tilpassa informasjon til pasientar i alle aldrarog deira pårørande.
• har inngåande kunnskap om viktigheita av språk- og kulturkompetanse, for å bidra til auka kvalitet og pasientsikkerheit, i utøvinga av operasjonssjukepleie
• har inngåande kunnskap om kunnskapsbasert praksis og kvalitetsarbeid innan operasjonssjukepleie
• har inngåande kunnskap om systematisk kvalitetsarbeid og pasientsikkerheitskultur for å forbetre og kontrollere operasjonssjukepleien
• har inngåande kunnskap om leiing, organisering og endringsprosessar av tverrprofesjonelle tenester som er relevant for operassjonssjukepleie
• har inngåande kunnskap om helse- og omsorgstenesta si organisering, rammer og relevant lovverk

Ferdigheiter:

Studenten:

• kan kritisk vurdere og bruke relevant teori og forsking inn i operasjonssjukepleie
• kan bruke relevante metodar i kommunikasjon, samhandling og rettleiing til pasientar og pårørande i komplekse situasjonar, samt analysere målgruppa sin helsekompetanse for å fremme brukarmedverknad og tilpassa tenester
• kan analysere faglege problemstillingar med utgangspunkt i operasjonssjukepleien si historie, tradisjonar, eigenart og plass i samfunnet
• kan analysere, vurdere og handtere etiske dilemma relatert til operasjonssjukepleie
• kan bruke relevante metodar for pasientsikkerhets- og kvalitetsarbeid

Generell kompetanse:

Studenten:

• kan analysere relevante fag- og yrkesetiske problemstillingar
• kan analysere og drøfte etiske dilemma, og kommuniserer desse i faglege diskusjonar
• kan analysere og ha eit kritisk forhold til teori og ulike informasjonskjelder, og anvendedesse til å strukturere og formulere faglege resonnement innan operasjonssjukepleie

Munnleg eksamen på 30 minutt.
Gruppe på 2-3 studentar

Ved gruppeeksamen skal alle deltakarane i gruppa bidra til eit felles produkt. Karakteren på produktet skal vere lik for heile gruppa. Oppstår det tvil om ein student bidreg eller har bidrege tilstrekkeleg til å få utteljing for eit felles produkt skal det hentast inn skriftleg individuell fråsegn frå alle gruppemedlemene og fagleg rettleiar eller emneansvarleg.

To dagar før munnleg eksamen skal gruppa levere eit samandrag av munnleg presentasjon. Omfang maks 500 ord. Samandraget skal innehalde referansar til pensumlitteratur og forsking. Bruk Zotero eller anna referansesystem.

Tid og stad for eksamen, sjå Studentweb.

Vurderingsuttrykk: Bestått/ikkje bestått

Ny eksamen: Ved ikkje bestått eksamen må studenten legge fram ny oppgåve til ny eksamen

Følgande obligatoriske læringsaktivitetar må vere godkjende for at studenten kan framstille seg til eksamen:

1. Oppmøte i praksisstudieveka
2. Deltaking i gruppearbeid, og på framlegg
3. Deltaking på oppgåveseminar
4. Deltaking på obligatorisk undervisning

Godkjent obligatorisk arbeidskrav er gyldig i to dei følgande semestera.