MGBNO401 Norsk 2, emne 2 - Språk, kultur og litteratur 2

Ved fullført emne skal studenten ha følgande totale læringsutbytte:

Kunnskapar

Studenten

• har brei kunnskap om litteratur for barn og unge, frå ulike tider og frå ulike kulturar
• har brei kunnskap om litteraturdidaktiske tilnærmingar og kunnskap om ulike litteraturteoretiske perspektiv
• har omfattande kunnskap om vidare lese- og skriveopplæring og lese- og skrivedidaktiske tilnærmingar og problemstillingar
• ha brei kunnskap om munnleg kommunikasjon og språkets retoriske funksjonar

Ferdigheiter

Studenten

• kan bruke tekst- og litteraturkunnskap frå norsk-, skandinavisk- og engelskspråkleg faglitteratur i analyse av munnlege, skriftlege og multimodale tekstar
• kan legge til rette for at elevar på trinn 1-7 lærer å lese, skrive, diskutere og arbeide med skjønnlitteratur og sakprega tekstar i tradisjonelle og moderne medium og frå ulike tider og kulturar
• kan bruke kunnskap om retorikk og kommunikasjon i arbeid med ulike munnlege sjangrar
• kan bruke og vurdere relevante arbeidsmåtar og læringsressursar som fremjar fagleg progresjon i lese- og skriveopplæringa
• kan skrive akademiske fagtekstar på nynorsk og bokmål

Generell kompetanse

Studenten

• har innsikt i skulefagets historie og eigenart som litteratur-, kultur- og danningsfag
• kan formidle fagstoff om litteratur, tekstar og medium i relevante uttrykksformer
• kjenner til internasjonal forskning, norskdidaktisk forsking og utviklingsarbeid og kan drøfte norskdidaktiske problemstillingar
• kan planlegge, gjennomføre og vurdere fagleg og tverrfagleg utviklingsarbeid på trinn 1-7 i samarbeid med andre
• kan sjå faget i samanheng med dei fagovergripande tema fleirkultur, estetiske læreprosessar og berekraft.

Studenten skal skrive FoU-oppgåve enten i emne MGBNO301 eller MGBNO401.

Dersom studenten skriv FoU-oppgåve i gjeldande emne, MGBNO401, er eksamen denne:

• Individuell eller parvis skriftleg FoU-oppgåve og munnleg eksamen. Oppgåva skal vere profesjonsretta og gjenspegle både pedagogiske og norskfaglege perspektiv. Målform: Valfri. Vekting: Oppgåve 50 % og munnleg eksamen 50 %. Karakterskala: A-F, der F svarar til ikkje bestått. Begge delar må være bestått for å få karakter i emnet. Ved ikkje bestått på ein av delane, kan den delen som ikkje er bestått bli tatt som ny eksamen. Det er mogeleg å levere forbetra versjon (FoU-oppgåve) i påfølgjande semester. Det er berre mogeleg å levere forbetra versjon med same problemstilling ein gong. Etter dette må det skrivast heilt ny FoU-oppgåve.

Dersom studenten skriv FoU-oppgåve i emne MGBNO301, er eksamen i gjeldande emne, MGBNO401, denne:

• Mappevurdering av to tekstar og munnleg eksamen. Skriftspråk: Bokmål og nynorsk. Vekting: Mappetekstar 50% og munnleg eksamen 50%. Karakterskala: A-F, der F svarar til ikkje bestått. Begge delar må vere bestått for å få karakter i emnet. Ved ikkje bestått på ein av delane, kan den delen som ikkje er bestått bli tatt som ny eksamen. Ved ikkje bestått mappevurdering kan det leverast forbetra versjon av mappa til ny eksamen.

Vurderingsforma gjer at studenten har valfridom i høve til kva emne hen vil fordjupe seg og skrive FoU-oppgåve i. Mappetekstar gjer det mogleg å arbeide prosessuelt og begge dei skriftlege vurderingsformene bidreg til at studenten kan vise at hen meistrar akademisk skriving (jf kompetansemål). For å sikre variasjon i vurderingsformer får studenten også vise sitt kunnskaps- og ferdigheitsnivå munneg på munnleg eksamen. Variasjonen i vurderingsformer gjeld både innad i emnet, men står også i samanheng med alle vurderingsformene i dei norskfaglege emna.

• FoU-oppgåve: Alle hjelpemidler er tillate. For informasjon om bruk av kunstig intelligens (KI) sjå Innlevering av heimeeksamen og oppgåver - Høgskulen på Vestlandet (hvl.no).
• Mappevurdering: Alle hjelpemidler er tillate. For informasjon om bruk av kunstig intelligens (KI) sjå Innlevering av heimeeksamen og oppgåver - Høgskulen på Vestlandet (hvl.no).
• Munnleg eksamen: Ingen hjelpemiddel

Bergen: Gro Ulland

Sogndal: Frøya Finne Ljønes

Stord: Marta Fauskanger Ekberg

Det er følgande obligatoriske læringsaktivitetar i emnet:

• Studenten skal vise munnlege ferdigheiter
• Studenten skal skrive ein tekst som omhandlar forskingslitteratur
• Det er krav om deltaking i 80% av undervisninga.

Dei obligatoriske læringsaktivitetane ivaretar samla sett krav om munnlegheit, forskingsmetode og profesjonsfagleg digital kompetanse i eit samfunnsperspektiv. Oppgåvetekst og formelle krav vert delt ut ved semesterstart.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.