Norsk grammatikk

Kva lærer du?

Etter fullført emne skal studentane kunne:

• gjere greie for korleis norske ord er bygde opp, og korleis dei blir bøygde
• meistre dei gjeldande skriftspråknormalane i bokmål og nynorsk
• gjere greie for korleis setningar og frasar er bygde opp, og kva som kjenneteiknar dei ulike setningsledda
• analysere setningar syntaktisk
• gjere greie for viktige drag ved dansk og svensk språk

Endeleg karakter viser i kva grad studenten har oppnådd læringsutbyttet for emnet.

Ein føresetnad for dette kurset er at du meistrar dei gjeldande skriftspråksnormalane i bokmål og nynorsk. Om du ikkje kjenner deg heilt trygg i nynorsk, vil vi rå deg til å arbeide med det.

Fine hjelpemiddel finn du til dømes på nettstaden til Språkrådet : http://offentlegrom.sprakradet.no/

Studentar må kvart semester søkje plass på undervisninga og melde seg til eksamen i StudentWeb.

Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.

Det er ikkje mogleg å ta dette emnet som privatist. Du må ha plass på undervisninga for å ta eksamen.

To timar førelesing og ein time gruppeundervisning i veka i 15 veker, inkludert leseveker. Praktiske skriftlege øvingar er ein obligatorisk del av emnet. Ei mindre kvalifiseringsoppgåve skal vere godkjent av faglærar før studenten kan gå opp til eksamen.

Godkjent obligatorisk undervisningsaktivitet/kvalifiseringsoppgåve er gyldig dei to neste semestra emnet blir gitt.

Adgang til undervisning

Ein student som har fått gjennomført og godkjent obligatorisk undervisning, har ikkje krav på ny undervisning. Ein student som har fått undervisningsrett til eit emne, men ikkje har gjennomført og/eller fått godkjent obligatorisk undervisning, har rett til ny undervisning, men fyrst når kapasitetsomsyn gjer det mogleg.

Eksamen er ei mappe med skriftlege heimearbeid. Alle arbeida må leverast. Minst eitt av arbeida skal vere på på nynorsk, og minst eitt på bokmål; nærmare presisering av krav til målform finn du i eksamensoppgåva. Kravet om begge målformene er uavhengig av eventuelle tidlegare fritak.

Studentane vil få tilbod om tilbakemelding på delar av heimearbeida i mappa i løpet av semesteret. Heimearbeida kan omarbeidast fram til endeleg innlevering.

Mappa vert vurdert samla og får karakter ved enden av semesteret.

• Sjuk på eksamen / utsett eksamen
• Ta eksamen på nytt

Emnet nyttar karakterskala frå A til F, der A er beste karakter og F er stryk. Les meir om karakterskalaen.

Evaluering av emnet

Tilbakemelding frå studentane våre er avgjerande for at vi skal kunne tilby best moglege emne og studieprogram. Vi gjennomfører fortløpande evaluering av dette emnet, og med jamne mellomrom ber vi studentane delta i ei meir omfattande, periodisk evaluering av emnet.

Periodisk emnerapport våren 2008

Bøker

• Cramer, Jens & Peter Kirkegaard. 1996. Dansk sproglære for nordmænd. (2. utg.). Kap. 3, 4 og 5. Oslo: Ad notam Gyldendal, s. 39–91 (50 s.).
• Lie, Svein. 2003. Innføring i norsk syntaks. (5. utg.) Oslo: Universitetsforlaget. (125 s.).
• Lie, Svein. 2011. Norsk morfologi. (2. utg.) Oslo: Ling forlag. (125 s.).
• Mårtenson, Per &Anton Fjeldstad. 1999. Svenska för norrmän. 3. utg. Oslo: Ad notam Gyldendal. (3.utg.) Del II, s. 61–111 (50 s.).

I kompendium

• Allmenningen, Olaf & Aud Søyland: Praktisk nynorsk for lærarstudentar, 2012. Oslo: Samlaget. s. 44–77 (35 s.).
• Torp, Arne: Nordiske språk i nordisk og germansk perspektiv, 1998. Kap. 6, s. 61–90. Oslo: Novus. (30 s.)

Ein student som har ei funksjonshemming og/eller kroniske eller akutte helseproblem som fører til vesentlege ulemper i eksamenssituasjonen i høve til andre studentar, kan søkje om å få ein tilrettelagd eksamen. Mødrer som ammar, kan søkje om tilleggstid på eksamen.