MGUSA503 Samfunnsfag 3, emne 3 - Forskningsmetoder og kildekritikk

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om det vitskapsteoretiske grunnlaget for samfunnsvitskapleg metode.
• har kunnskap om ulike kvantitative og kvalitative metodar.
• har kunnskap om forskingsetiske lover og retningsliner, samt god forskingspraksis.
• har kunnskap om ulike former for datainnsamling, analyse og presentasjon av data.
• har kunnskap om viktige databasar og arkiv.

Ferdigheiter

Studenten

• kan lage eit undersøkingsopplegg for eige masterarbeid og grunngje val av metode skriftleg og munnleg.
• kan vurdere relevante verktøy for innsamling og analyse av empirisk materiale til bruk i eigen undervisningspraksis.

Generell kompetanse

Studenten

• kan sjå samanhengar mellom problemstilling, undersøkingsopplegg, datainnsamling og endeleg forskingsresultat, og gjere hensiktsmessige val av metode basert på desse samanhengane.
• har ei refleksiv haldning til kjeldekritikk.

Munnleg eksamen med varigheit inntil 30 minutt. I munnleg eksamen blir studentane spurde om fellespensum og metodiske problemstillingar knytte til eiga prosjektoppgåve.

Karakterskala A-F, der F svarar til ikkje bestått.

Bergen: Kari Ludvigsen

Sogndal: Ane Bergersen

Det er to obligatoriske læringsaktivitetar i emnet:

• Studenten skal delta i oppgåveseminar der eiga prosjektskisse blir presentert, og der studenten også skal vere opponent til minst ei anna prosjektskisse.
• Studenten skal skrive ei prosjektoppgåve på inntil 4000 ord som presenterer forskingsdesign og metodar for eiga masteroppgåve. Retningsliner for prosjektoppgåva blir gjort kjent ved oppstart. Prosjektoppgåva skal godkjennast av rettleiar.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.