MGUKH101 Kunst og håndverk 1, emne 1 - Grunnleggende innføring i kunst og håndverk 1

Ved fullført emne skal studenten ha følgjande totale læringsutbytte:

Kunnskapar

Studenten

• har grunnleggjande kunnskap om relevante materialar, teknikkar, verktøy og estetiske verkemiddel
• kan anvende og reflektere over relevante fagomgrep
• kjenner til relevant kunst- og formkultur, som lokal, nasjonal eller global
• har kunnskap om barn og unge sine to- og tredimensjonale ytringsformer med tilhøyrande refleksjon om estetiske læringsprosessar, oppleving, leik og kreativitet
• kjenner til gjeldande reglar om opphavsrett, personvern og kjeldekritikk

Ferdigheiter

Studenten

• kan i eigne skapande prosessar bruke skisser som verktøy i arbeid med utprøvingar, idear, dokumentasjon og formidling
• kan formidle val av inspirasjonskjelder, arbeidsmetode, estetiske verkemiddel, materiale, teknikk og verktøy tilknytt eigne skapande prosessar
• kan bruke og vedlikehalde relevante handverktøy, samt kjenner til korleis ein ivaretek arbeidsmiljø og sikkerheit på verkstadane (HMS-rutinar)
• kan reflektere over varierte arbeidsmåtar i kunst og handverk for elevar i 5. - 10. trinn, med bakgrunn i erfaringar frå eige skapande arbeid
• kan anvende digitale læringsressursar til innhenting og formidling av fagstoff

Generell kompetanse

Studenten

• viser evne til utforsking og variasjon gjennom arbeid med ulike materialar, teknikkar og verktøy
• kan reflektere over korleis skapande arbeid med materialar utfordrar sansar, engasjerer følelsar, krev konsentrasjon og aktiviserer kroppen
• kjenner til arbeidsformer og tema som bidreg til berekraftig bruk av materialar og verktøy
• kan reflektere over kunst- og handverksundervisning i 5. - 10. trinn med bakgrunn i erfaringar frå eige praktisk skapande arbeid (eks. tilknytt byrjaropplæring eller grunnleggjande ferdigheiter)

• Workshop
• Seminar
• Førelesingar
• Fagdagar
• Gruppeoppgåvar
• Praktisk arbeid i verkstadene
• Munnlege og skriftlege oppgåver
• Ekskursjonar. Det er høve til å søkje om kompensatorisk arbeidskrav for ekskursjonar i samråd med faglærar.

Mappevurdering.

Karakterskala A-F, der F svarar til ikkje bestått

Mappa består av praktiske arbeid med prosessdokumentasjon og fagdidaktisk refleksjon som skal presenterast i ei eksamensutstilling.

Ved ikkje bestått skal det leverast ei omarbeida vurderingsmappe til ny eksamen.

Bergen: Arnhild Liene Stenersen

Stord: Kathrine Huglen

Tre obligatoriske læringsaktivitetar i form av:

• deltaking i obligatoriske læringsaktivitetar i undervisninga
• eit munnleg framlegg i gruppe
• ei skriftleg individuell oppgåve

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.