MGUSA201 Samfunnsfag 1, emne 2 - Innføring i samfunnsfag 2

Ved fullført emne skal studenten ha følgande totale læringsutbytte:

Kunnskapar

Studenten

• har kunnskap om vitskaplege teoriar og metodar i geografi, historie og samfunnskunnskap
• har kunnskap om fagdidaktisk teori og forsking i samfunnsfaget i skulen som er særleg knytta til grunnleggjande ferdigheiter, tilpassa opplæring, vurdering og arbeidet med kompetansemål på mellom- og ungdomstrinnet.
• har kunnskap om menneskerettar, medborgarskap, demokrati og demokratiseringsprosessar
• har kunnskap om ideologiar, makt og politiske system
• har kunnskap om konfliktar og samarbeid i geografisk, historisk og samfunnsvitskapleg perspektiv
• har kunnskap om samspelet mellom befolkning, berekraftig utvikling, ressursar, mobilitet og globalisering
• har kunnskap om digitale kjelder og kjeldekritikk

Ferdigheiter

Studenten

• kan reflektere over ulike dimensjonar ved demokratiomgrepet og legge til rette for demokratisk praksis i skulen
• kan leie læringsprosessar med særleg vekt på å vidareutvikle grunnleggande ferdigheiter og kompetansar og sikre progresjon i opplæringa
• kan finne, vurdere og tolke ulike typar kjelder for å legge til rette for gode læringsprosessar
• kan reflektere over praksis og praksisplanlegging, leiing av læringsarbeid og vurdering av dette som grunnlag for læringsretta tilbakemelding

Generell kompetanse

Studenten

• kan reflektere sjølvstendig og kritisk over samfunnsfaglege spørsmål
• har overblikk over periodar og utviklingsmønster og kan gjere greie for korleis historie og kultur blir konstruert
• kan reflektere sjølvstendig og kritisk over fagdidaktiske spørsmål knytt til opplæringa på mellom- og ungdomstrinnet

Førelesing, gruppearbeid, individuelt arbeid, ekskursjonar og skriftleg arbeid.

Campus Stord:

Studentane på campus Stord får tilbod om å delta i eit frivillig, Erasmus+-finansert Blended Intensive Programme (BIP), som inkluderer ein fysisk samling i Europa. For studentar som ikkje ønskjer å delta på reise, vert det gjennomført eit alternativt digitalt opplegg i form av Collaborative Online International Learning (COIL) med europeiske partnarar.

Skuleeksamen, 6 timar.

Karakterskala A-F, der F tilsvarar ikkje bestått.

Bergen: Christian Melby

Stord: Monica Hauge Skaten

Sogndal: Lydia Mehrara

• Studentaktive læringsformer lagt til undervisningsøkter er obligatoriske, med krav om 80% deltaking. Det går fram av undervisningsplanen kva for økter dette gjeld.
• Profesjonsfagleg digital kompetanse: Planlagt undervisning ved hjelp av digitale verktøy. Gjennomføring i praksisperioden og erfaringsdeling etter praksis.
• Individuelt skriftleg arbeid på inntil 2000 ord som skal gi øving i akademisk skriving. Retningsliner vil bli gjeve ved semesterstart.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.