MGUNO201 Norsk på mellomtrinnet 2: Litteratur- og tekstkunnskap

Ved fullført emne skal studenten ha følgjande totale læringsutbytte definert i kunnskap, ferdigheiter og generell kompetanse:

Kunnskapar

Studenten

• har omfattande tekst- og sjangerkunnskapar om munnlege, skriftlege og multimodale tekstar, både skjønnlitterære og sakprega, på nynorsk og bokmål, med vekt på teksttypar som er særleg relevante for mellomsteget
• har gode kunnskapar om lesing og lesestrategiar, og korleis elevar på mellomsteget kan vidareutvikla leseforståinga og leseferdigheitene sine
• har kunnskapar om nyare litteratur i ulike sjangrar og medium, på nynorsk og bokmål, for barn, unge og vaksne
• har kunnskapar om relevante litteraturteoretiske og litteraturdidaktiske omgrep og perspektiv
• har kunnskapar om samisk språk, litteratur og kultur
• har kunnskapar om vurdering og læremiddel, med vekt på mellomsteget.

Ferdigheiter

Studenten

• kan leggja til rette for at elevane får skriva både sakprega tekstar og fiksjonstekstar med ulikt føremål
• kan leggja til rette for at elevane får lesa eit breitt utval litteratur, og at dei utviklar leselyst, gode lesestrategiar og litterær kompetanse
• kan analysera, tolka, vurdera og leia samtalar om tekstar, og presentera litterære innsikter på varierte måtar
• kan vurdera og ta i bruk nye metodar, ny teknologi og ulike norskfaglege læremiddel, digitale og andre, i arbeidet med den vidare leseopplæringa
• kan bruka kunnskap om språk og litteratur i fagleg arbeid med respons på og vurdering av skriftlege, munnlege og multimodale elevtekstar
• kan kjenna att teikn på lese- og skrivevanskar
• kan tilpassa undervisninga til elevar med ulik bakgrunn og varierande ferdigheiter i norsk
• meistrar nynorsk og bokmål og kan undervisa elevar i begge målformer.

Generell kompetanse

Studenten

• kan leggja til rette for at elevane på mellomsteget vidareutviklar ferdigheiter knytt til lesing, tekst og litteratur, og at dei kan nytta desse ferdigheitene til aktiv deltaking i klasserommet og på andre sosiale arenaar
• kan planleggja, gjennomføra og reflektera over norskundervisning i sentrale emne og gjera greie for elev- og stegtilpassa fagdidaktiske val
• kan vurdera eigen praksis med gjeldande læreplanar, fagkunnskap og fagdidaktisk innsikt som grunnlag
• kan arbeida med språk og tekst i fleirspråklege og fleirkulturelle klassemiljø
• kan skriva akademisk på begynnarnivå.

Del 1: Skuleeksamen, 3 timar. Tel 40 % av endeleg karakter.

Del 2: Heimeeksamen, 2 dagar. Tel 60 % av endeleg karakter.

Karakterskala A-F, der F svarar til ikkje bestått.

Målform: Bokmål. Både fagleg innhald og språkleg utforming blir vurdert.

Begge delane må vere bestått for å få karakter i emnet. Ved ikkje bestått på ein av delane, kan den delen som ikkje er bestått takast opp att åleine.

Skuleeksamen: Godkjend ordbok eller ordliste.

Heimeeksamen: Alle hjelpemiddel er tillatne. For informasjon om bruk av kunstig intelligens (KI) sjå Innlevering av heimeeksamen og oppgåver - Høgskulen på Vestlandet (hvl.no)

Det er tre obligatoriske læringsaktivitetar i emnet. Læringsaktivitetane inkluderer profesjonsfagleg digital kompetanse i undervisningspraksis og FoU-teamet analyse og tolking.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Studenten må syna skriftleg kompetanse i begge målformer i løpet av emnet. Det er også krav om minst 80% oppmøte i undervisninga.

Semesterplanen vil gi nærare retningslinjer for læringsaktivitetane.