ME6-501 Forskningsdesign og metode

Etter avslutta emne skal studenten ha følgjande læringsutbyte:

Kunnskap

• kunnskap om sentrale tema og tilnærmingsmåtar i vitskapsfilosofien
• eit breitt vitskapsteoretisk og metodisk grunnlag for å studere endringar knytt til organisering, styring, innovasjon og omstilling i utdanningssektoren eller i helse- og velferdssektoren
• inngåande kunnskap om design av forskingsprosjekt og kvalitative og kvantitative metodiske tilnærmingar
• avansert kunnskap om tilhøvet mellom teori, design og metodeval
• særskild godt innsyn i korleis vitskaplege problemstillingar med relevans for leiing og organisering kan analyserast i lys av kontekstuelle faktorar

Ferdigheiter

• gjennomføre eit sjølvstendig forskingsprosjekt med kjennskap til dei ulike fasane i forskinga og korleis dette kan presenterast i ei masteroppgåve
• utvikle problemstilling med relevans for å studere eit aktuelt samfunnsfenomen
• utarbeide eit litteraturoversyn med relevans for problemstilling
• vurdere relevansen av ulike teoriar for ei problemstilling.
• vere i stand til å gjere greie for ulike forskingsdesign og velje design og relevant metode for eit forskingsprosjekt
• vurdere validitet, reliabilitet og etiske spørsmål i eit prosjekt
• ha ei inngåande forståing av korleis det empiriske datamaterialet kan analyserast i lys av teori og sjåast på i lys av kontekstuelle faktorar og annan forsking på feltet

Generell kompetanse

• utvikle kritiske og analytiske evner
• kunne avdekke manglande forskningsbasert kunnskap og igangsetje relevante forskningsprosjekt
• kommunisere til omverda og relevante fagmiljø om faglege problemstillinger og om utforminga av prosjekt
• formidle forsking som er relevant
• bruke kunnskapar og ferdigheiter i avansert oppgåveløysing i eigen organisasjon eller sektor
• bidra til nytenkning og innovasjon i eigen organisasjon gjennom tileigna kunnskap

Studentar på studieretninga utdanningsleiing må ha bestått følgjande emne for å kunne melde seg opp til ME6-501 Forskingsdesign og metode: OR6-403 Leiing og endring i organisasjonar, SA6-406 Leiing av pedagogisk virksomhet, JU6-404 Jus for offentleg leiing, SØ6-402 Offentleg økonomiforvaltning, SA6-503 Utdanningspolitikk.

Studentar på studieretninga helse- og velferdsleiing må ha bestått følgjande emne for å kunne melde seg opp til ME6-501 Forskingsdesign og metode: OR6-403 Leiing og endring i organisasjonar, SA6-405 Leiing av forbetringsarbeid i grunneiningar, JU6-404 Jus for offentleg leiing, SØ6-402 Offentleg økonomiforvaltning, SA6-502 Helse- og velferdspolitikk.

Semesteroppgåve

Oppgåva skal utformast som ei prosjektskisse for masteroppgåva. Prosjektskissa kan leverast som ei individuell oppgåve eller som samskriving av to studentar. Rettleiande omfang:

• 6 000 - 7 000 ord ved individuell prosjektskisse.
• 8 000 - 9 000 ord ved samskriving av to studentar.

Endeleg dato for innlevering vert gjort kjend av faglærar.

Bokstavkarakter A-F, der F er "ikkje greidd".

Ved stryk eller gyldig fråvær kan omarbeidd tekst bli levert inn til ny vurdering i det påfølgjande semesteret. Ved ynskje om forbetring av karakteren kan omarbeidd tekst bli levert inn neste gong ordinær eksamen vert arrangert.

Laila Nordstrand Berg

Reidar Øygard

Fire obligatoriske innleveringar som gradvis byggjer opp ei prosjektskisse/semesteroppgåve (som utgjer vurderinga i faget).

Tre obligatoriske gruppeseminar.