BIO206 Medisinsk laboratorieteknologi III - Instrumentelle analyser

Etter gjennomført emne har studenten fylgjande læringsutbytte definert i kunnskap, ferdigheiter og generell kompetanse:

Kunnskap

Studenten

• Kan forklare ulike deteksjonsprinsipp ved instrumentelle laboratorieanalyser
• Kan beskrive overordna prinsipp for automatisering og robotisering av medisinske laboratorieanalyser
• Kan greie ut om kvalitetssikring av analyser.
• Kan greie ut om prinsipp for metodevalidering, interferensstudier og holdbarhetsstudier i det medisinske laboratoriet

Ferdigheiter

Studenten

• Kan utføre laboratorieanalyser etter gitte prosedyrer.
• Kan anvende ulike teknikkar, utstyr og instrumentering innan medisinske laboratorieanalysar.
• Kan utføre og vurdere kalibrering og kvalitetskontroll, samt validere prøvesvar og analysekvalitet.
• Kan skrive ein naturvitskapeleg rapport.

Generell kompetanse

Studenten

• Kan arbeide sjølvstendig og samarbeide med andre, samt gje sine medstudentar/medarbeidarar fagleg begrunna tilbakemeldingar.
• Kan reflektere over eiga fagleg utøving, tilegne seg ny kunnskap, søke og ta imot rettleiing
• Kan dokumentere og formidle fagleg kunnskap.

BIO200 Informasjonsteknologi og bioinformatikk

BIO201 Hematologi og immunologi

BIO203 Medisinsk laboratorieteknologi II

BIO170 Matematikk med dataverktøy

BIO172 Statistikk

BIO173 Organisk kjemi og biokjemi

BIO175 Medisinsk laboratorieteknologi I

Det vert nytta ulike undervisningsformer i emnet:

Studentaktive læringsformer vert vektlagde slik som problembasert læring, arbeid med case, oppgåver og diskusjonar. Studentane får rettleiing i praktisk laboratoriearbeid, samt ved utføring av dataanalysar og rapportskriving. I tillegg består undervisningsformene av førelesningar, digitale læringsressursar, munnlege presentasjonar, rettleia medstudentvurdering.

Den digitale læringsplattforma Canvas vert nytta i emnet. Digitale læringsressursar er tilgjengeleg på nettsida ePraksis.no eller gjennom andre ressursar som vil bli formidla på kurset.

Munnleg individuell eksamen inntil 30 minutt.

Karakterskala A-F vert nytta, der F tilsvarar ikkje greidd.

• 4 laboratorieøvingar med praktisk laboratoriearbeid
• 1 - 2 Skriftlege rapportar
• 1 - 2 Presentasjonar
• Medstudentvurdering på 1 - 2 rapportar/presentasjonar

Praktisk utføring av laboratoriekurs vert vurdert for godkjenning. Det blir berre sett opp eit laboratoriekurs i emnet. Studentar som ikkje er til stades, eller av andre grunnar ikkje får godkjend obligatorisk laboratoriekurs, vil difor ikkje kunne ta nytt laboratoriekurs i inneverande semester. Studentar som ikkje får godkjend laboratoriekurs må vente til neste gong emnet blir undervist. Ein student har berre rett på to forsøk for å få godkjend eit laboratoriekurs totalt.

Innleveringar og presentasjonar kan være både individuelle eller i grupper. Informasjon om dette vert gitt ved semesterstart.

Alle obligatoriske læringsaktiviteter må vere godkjend innan gitte tidsfristar for å få vurdering i emnet. Godkjende obligatoriske læringsaktiviteter er gyldig i seks påfølgjande semester.