ABLUPR101 Praksis 1. år ABLU

Ved fullført emne skal studenten ha følgjande totale læringsutbytte:

Kunnskapar

Studenten

• har kjennskap til barnehagen som organisasjon og relevante styringsdokument
• har kunnskap om ulike observasjonsmetodar som reiskap for refleksjon over seg sjølv, barns veremåte og deira omsorgs-, leike- og læringsbehov

Ferdigheiter

Studenten

• kan planlegge og gjennomføre faglege aktivitetar med barnegruppa og kritisk vurdere eiga pedagogisk leiing og eigen praksis
• kan ta i bruk observasjon som reiskap for refleksjon
• kan legge til rette for variert leik og utvikle gode samspelsmønster saman med barn

Generell kompetanse

Studenten

• kan vise evne til leiing av seg sjølv i møte med praksisbarnehagen
• kan reflektere over kva pedagogisk leiing i møte med barn og barnegrupper inneber

Praksis første studieår på barnehagelærerutdanninga er på 30 dagar. Det er ein obligatorisk del av utdanninga, saman med deltaking på praksisførebuande seminar. All praksis blir gjennomført i barnehage.

Studenten skal ha minimum 3 leiardager i praksis første studieår.

Studenten skal ha praksis på eigen arbeidsplass under føresetnad av at studenten får rettleidd, variert og vurdert praksis.

30 dagar rettleidd og vurdert praksis med krav om 100 % frammøte.

Om praksis ikkje blir bestått kan studenten gjennomføre eit andre forsøk neste gong praksis går ordinært. Dette kan påverke studenten sin studieprogresjon.

Studenten kan ikkje klage på karakteren i praksis, men kan klage på formelle feil i praksis.