Vurdering av barnets beste

Ein kandidat med fullført studie skal ha følgene totale læringsutbytte definert i kunnskap, ferdigheiter og generell kompetanse:

Kunnskap:
Kandidaten...

• har inngåande kunnskap om barnevernets heterogene kunnskapsgrunnlag og tverrfaglege perspektiv
• har spesialisert innsikt i barnevernsfaglege vurderingar og avgjerder
• har inngåande kunnskap om det juridiske og tverrfaglege kunnskapsgrunnlaget som inngår i skjønnsutøvinga ved vurdering av barnets beste
• har avansert kunnskap om ulike barnesyn og forhold som fremjar barns medverknad og medbestemming
• har spesialisert innsikt i sentral forsking om omsorgsvurderingar og tydinga av ei heilskapleg forståing av barn og foreldre
• har inngåande kunnskap om barnevernets maktposisjon og strukturar som kan bidra til avmakt

Ferdigheiter:
Kandidaten...

• kan gjennomføre heilskaplege omsorgsvurderingar ved å analysere og vurdere barnets beste i lys av aktuelle teoriar og metodar
• kan analysere og halde seg kritisk til ulike kunnskapskjelder og bruke desse for å ta ei avgjerd til barnets beste
• kan gjere seg nytte av relevante metodar for å styrke, grunngje og dokumentere den faglege skjønnsvurderinga
• kan samarbeide med barn og foreldre og andre tenester ved innhenting av informasjon og vurdering av tiltak
• kan på ein sjølvstendig måte bruke kunnskapsbaserte metodar for å fremje barn og foreldres høve til innverknad og styring av eige liv

Generell kompetanse:
Kandidaten...

• kan analysere etiske problemstillingar knytt til utgreiingar og avgjerder om barns omsorgssituasjon
• kan nytte avansert kunnskap om barn og unges utvikling og foreldres situasjon i arbeid med komplekse omsorgsvurderingar
• kan sette seg inn i og reflektere kritisk over vitskapleg kunnskap
• kan formidle eit sjølvstendig arbeid og meistre uttrykksformar om barns omsorgsituasjon og foreldres omsorgskompetanse
• kan kommunisere om faglige dilemma, uvisse og tvil i vurderingar av barns omsorgssituasjon
• har en analytisk medvit og kan utøve kritisk refleksjon og etisk dømmekraft i vurderingar av barnets beste

Bachelorgrad eller tilsvarande.
Du må vere tilsett i barnevern i heile studieperioden.
Dokumentasjon på ansettelsesforhold i barnevern må innehalde informasjon om stillingstype, stillingsprosent, startdato og dersom du er midlertidig tilsett; sluttdato.

Søkjarar vert rangert i tråd med § 4-3 i forskrift om opptak til Høgskulen på Vestlandet. Opptak til studiet skjer på grunnlag av rangering innanfor følgjande fastsette kvotar, jf. §6-1 (3), med følgjande prioritering:

1. Tilsette med hovudstilling i kommunalt barnevern (stillingsstorleik på 50% eller mer)
2. Tilsette i kommunalt barnevern med mindre enn 50% stillingsstorleik.
3. Tilsette i statleg eller privat barnevern.

• 3-årig bachelorgrad eller tilsvarande høgare utdanning (180 sp)
• Hovudstilling (stillingsstorleik på 50% eller meir) i kommunalt barnevern

(Attest eller stadfesting på tilsettingsforholdet er eit krav. Her skal det gå fram kor lenge du har vore tilsett og i kva stillingsbrøk. For mellombels tilsette må sluttdato for tilsettingsforholdet også gå fram, då det er eit krav om at ein er i jobb i heile studieperioden).

Prioriteringsliste ved tildeling av studieplassar:

1. Tilsette med hovudstilling i kommunalt barnevern (stillingsstorleik på 50% eller mer) Søkarar blir rangert på grunnlag av reglar fastsett i forskrift om opptak til studie ved HVL.
2. Tilsette i kommunalt barnevern med mindre enn 50% stillingsstorleik. Søkarar blir rangert på grunnlag av reglar fastsett i forskrift om opptak til studie ved HVL.
3. Tilsette i statleg eller privat barnevern. Søkarar blir rangert på grunnlag av reglar fastsett i forskrift om opptak til studie ved HVL.

Studiet er etablert av Bufdir i samarbeid med HVL og Høgskulen i Volda på oppdrag fra Barne- og likestillingsdepartementet. Etablering av studiet er eit viktig element i styresmaktene sin strategi for å løfte kompetansen i det kommunale barnevernet.

Utdanninga har som mål å styrke dei tilsette i barnevernstenesta sin kompetanse til å gjere faglege vurderingar av barnets beste i alle fasar og delar av ei barnevernssak, samt styrke vurderings- og avgjerdskompetansen i det barnevernsfaglege arbeidet.

Studiet har et faglig nivå tilsvarande masternivå.

Opptakskrav
Bachelorgrad eller tilsvarande.
Du må vere tilsett i barnevern i heile studieperioden.
Dokumentasjon på ansettelsesforhold i barnevern må innehalde informasjon om stillingstype, stillingsprosent, startdato og dersom du er midlertidig tilsett; sluttdato.

Søkjarar vert rangert i tråd med § 4-3 i forskrift om opptak til Høgskulen på Vestlandet. Opptak til studiet skjer på grunnlag av rangering innanfor følgjande fastsette kvotar, jf. §6-1 (3), med følgjande prioritering:

1. Tilsette med hovudstilling i kommunalt barnevern (stillingsstorleik på 50% eller mer)
2. Tilsette i kommunalt barnevern med mindre enn 50% stillingsstorleik.
3. Tilsette i statleg eller privat barnevern.

Samlingar hausten 2021: onsdag til fredag i veke 37, 43 og 49.

Samlingar våren 2022: onsdag til fredag i veke 3, 10 og 17.

Målgruppe: Tilsette i det kommunale barnevernet.

Studiet er organisert som eit emne på 30 sp. Det er lagt opp til seks samlingar frå onsdag til fredag, fordelt på to semester. Tre samlingar haust og tre samlingar vår.

Hovudtema:

Samling 1: Profesjonell kompetanse og vurdering av barns beste med fokus på kritisk refleksjon
Samling 2: Barnesyn og barns medverknad
Samling 3: Omsorgsvurdering og barns utvikling. Barn og familiar i kontekst
Samling 4: Kunnskapsgrunnlag og avgjerdsprosessar i barnevernstenesta
Samling 5: Styrking av fagleg skjøn i ulike fasar av ei barnevernssak
Samling 6: Oppfølging av barn plassert utanfor heimen, ettervern og avslutning av barnevernssaker

Studiet legg vekt på varierte undervisningsformar der målet er at studentane skal øve opp sine praktiske ferdigheiter, haldningar og kunnskapar. Undervisninga vil opne for refleksjon over eigen praksis og utvikle denne i møte med teoretisk kunnskap. 

Vidareutdanninga er eit samarbeid med Høgskulen i Volda og inngår i Bufdir sin kompetansesatsing innan kommunalt barnevern. Kompetansestrategien 2018-2024 er en del av Barnevernsreforma som var vedteken av Stortinget juni 2017, og har som mål gje tidligare og betre hjelp til barn i barnevernet.

Arbeidsgjevar kan søke om tilskot for tilsette.