YFL815 Tilpasset opplæring og motivasjon i mangfoldige og flerspråklige elevgrupper (del 2)

Ved fullført emne skal studenten ha følgjande læringsutbytte:

Kunnskapar:

Studenten

• har kunnskap om betydninga av normkritisk pedagogisk bevisstgjering og refleksjon kring verdiar og haldningar i lys av Overordna del i LK20
• har kunnskap om mangfald i vid betyding (til dømes kjønns-, seksualitets- og kulturelt mangfald), ulikskap, sosial rettferd og rasisme
• har kunnskap om mangfald som ressurs og utfordring i læringsfellesskapet
• har kunnskap om samarbeidslæring og dei tverrfaglege tema som ressurs i arbeid med mangfaldige elevgrupper

Ferdigheiter:

Studenten

• kan samhandle og kommunisere verbalt og nonverbalt i mangfaldige elevgrupper
• kan planleggje, grunngje, gjennomføre og evaluere eiga undervisning med fokus på å leggje til rette for kulturell forståing, tilhøyrsle, meiningsskaping og lærelyst
• kan bruke varierte metodar, arbeidsmåtar og digitale ressursar (verktøy / hjelpemidlar) som fremjar læring og yrkesprofesjonalitet i mangfaldige elevgrupper på yrkesfaglege utdanningsprogram

Generell kompetanse:

Studenten

• har medvit om eigen og andre sine forståingshorisontar og verdisyn
• kan reflektere kritisk over eigen kulturell ståstad, utfordre eigne emosjonelle komfortsoner og utvide eigen forståingshorisont i møte ei mangfaldig elevgruppe
• kan drøfte sentrale tema knytt til tilpassa opplæring og motivasjon i mangfaldige og fleirspråklege elevgrupper på yrkesfaglege utdanningsprogram
• kan vera bevisst og innovativ når det gjeld interkulturell og normkritisk pedagogikk i samanheng med yrkesdidaktikk og kunne dele kunnskap og metodar med profesjonsfellesskapet på eigen arbeidsplass

Studiet vekslar mellom forelesningar, gruppearbeid, erfaringsutveksling og diskusjonar. Innhald og arbeidsmåtar i studiet tek utgangspunkt i deltakarane sine erfaringar og undervisningspraksis. Mellom samlingane skal studentane prøve ut metodar og ressursar for undervisning i mangfaldige elevgrupper. Dei skal delta i digitale nettverksgrupper der det vert drøfta utprøvingar av obligatoriske læringsaktivitetar.

Studiet vektlegg studentaktive arbeids- og læringsformer på alle samlingar. Studentane skal ta ei aktiv rolle i læringsprosessar i studiefellesskapet. Dette er ein føresetnad for gjennomføring av obligatoriske læringsaktiviteter i studiet.

Studiet vektlegg utprøving og bruk av ulike digitale verktøy og varierte dokumentasjonsformer, som studentane kan bruke med sine elevar, og studiet brukar brukar Canvas som lærings‐ og undervisningsplattform. Studentane blir organisert i nettverksgrupper som samarbeider om utprøving av verktøy og metodar og med nettstøtta rettleiing og oppfølging frå HVL.

Studiet er delvis nettbasert med to samlingar på campus Bergen og ei digital samling (alle på to dagar).

Munnleg eksamen i grupper.

Eksamen vert organisert som eksamenskonferanse. Innhald i eksamenspresentasjonen er relatert til læringsutbytteformuleringar i studiet.

Studentane må setje av ein heil dag til eksamen.

Karakter: Bestått/ikkje bestått.

1. Utprøving i og kritisk analyse av eigen undervisningspraksis mellom samling ein og to.
2. Utprøving i og kritisk analyse av eigen undervisningspraksis mellom samling to og tre.
3. Presentasjon av erfaringar frå obligatoriske læringsaktiviteter i studiet for kollegaer på eigen skule
4. Aktiv deltaking på samlingar gjennom erfaringsdeling og drøftingar med medstudentar.

Alle obligatoriske læringsaktiviteter er relatert til føremål og læringsutbyte i emnet der felles refleksjonar og erfaringsdelingar er eit viktig kunnskaps- og utviklingsgrunnlag i utdanninga.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.