YFL814 Tilpasset opplæring og motivasjon i mangfoldige og flerspråklige elevgrupper i yrkesfaglige utdanningsprogram (del 1)

Ved fullført emne skal studenten ha følgande læringsutbyte:

Kunnskapar:

Studenten har kunnskap om

• fleirkulturell kompetanse, relasjons-, kommunikasjons- og rettleiingskompetanse
• korleis dei kan bidra til å styrke elevane si lærelyst og oppleving av samanheng i fleirspråklege og mangfaldige elevgrupper
• betyding av språkleg identitet, tryggleik og meistringsforventning i læreprosessar
• fleirspråklegheit på individ- og samfunnsnivå, nokre læringsteoriar og kva språklege utfordringar elevar med norsk som andrespråk kan ha
• ulike ressursar, metodar og hjelpemiddel, særskild knytt til ord- og omgrepslæring i programfaget
• skulen sine samarbeidspartnarar og korleis desse kan bidra til å sikre eit godt læringsmiljø for ungdom og vaksne

Ferdigheiter:

Studenten

• kan planleggje, grunngje, gjennomføre og evaluere eiga undervisning i fleirspråklege og mangfaldige elevgrupper med fokus på å leggje til rette for meiningsskaping, inkludering og lærelyst
• kan bruke varierte metodar, arbeidsmåtar og digitale ressursar som fremjar læring i ei fleirspråkleg elevgruppa på yrkesfag
• kan bruke sentrale delar av læreplanen til å planleggje, gjennomføre og evaluere undervisning for elevar på yrkesfag med norsk som andrespråk
• kan tilpasse undervisninga på yrkesfag til elevar med ulik bakgrunn og varierande ferdigheiter i norsk

Generell kompetanse:

Studenten

• kan evaluere, justere og kritisk granske eigen relasjonskompetanse og evne til anerkjenning og forståing av sårbarheit i sosial utvikling og læring i fleirspråklege og mangfaldige elevgrupper
• kan drøfte sentrale tema innanfor fagområdet tilpassa opplæring og motivasjon i mangfaldige og fleirspråklege elevgrupper på yrkesfag
• kan vera nytenkande og kritisk reflekterande når det gjelder undervisning i fleirspråklege og mangfaldige elevgrupper og kunne dele kunnskap og metodar med profesjonsfellesskapet på eigen arbeidsplass

Studiet vekslar mellom forelesningar, gruppearbeid, erfaringsutveksling og diskusjonar. Innhald og arbeidsmåtar i studiet tek utgangspunkt i deltakarane sine erfaringar og undervisningspraksis. Mellom samlingane skal studentane prøve ut metodar og ressursar for fleirspråklege klasserom. Dei deltek i digitale nettverksgrupper der det vert drøfta utprøvingar av didaktiske verktøy og digitale ressursar for ulike læringsarenaer, med særskilt fokus på språkleg og relasjonell kompetanse for å fremje motivasjon, meistring og oppleving av samanheng for alle elevar.

Studiet vektlegg studentaktive arbeids- og læringsformer på alle samlingar. Studentane skal ta ei aktiv rolle i læringsprosessar i studiefellesskapet. Dette er ein føresetnad for gjennomføring av obligatoriske læringsaktivitetar i studiet.

Vi vektlegg utprøving og bruk av ulike digitale verktøy og varierte dokumentasjonsformer, som studentane kan bruke med sine elevar. Vi bruker Canvas som lærings‐ og undervisningsplattform i studiet. Studentane blir organisert i nettverksgrupper som samarbeider om utprøving av verktøy og metodar og med nettstøtta rettleiing og oppfølging frå HVL.

Studiet er delvis nettbasert med to samlinga på campus Bergen og ei digital samling (alle på to dagar).

Munnleg eksamen i grupper.

Eksamen vert organisert som eksamenskonferanse. Innhald i eksamenspresentasjonen er relatert til læringsutbytteformuleringar i studiet.

Studentane må setje av ein heil dag til eksamen.

Karakter: Bestått/ikkje bestått.

1. Utprøving i og kritisk analyse av eigen undervisningspraksis mellom samling ein og to.
2. Utprøving i og kritisk analyse av eigen undervisningspraksis mellom samling to og tre.
3. Presentasjon av erfaringar frå obligatoriske læringsaktiviteter i studiet for kollegaer på eigen skule
4. Aktiv deltaking på samlingar gjennom erfaringsdeling og drøftingar med medstudentar.

Alle obligatoriske læringsaktiviteter er relatert til føremål og læringsutbytte i emnet der felles refleksjonar og erfaringsdelingar er eit viktig kunnskaps- og utviklingsgrunnlag i utdanninga.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.