Allmenn litteraturvitenskap - master

Visste du at litteraturvitenskap er en av de vanligste utdannelsene for ansatte i norsk bok- og kulturbransje?

Master i allmenn litteraturvitenskap ved NTNU gir en allsidig fordypning samtidig som du forbereder deg for jobbmarkedet. Mange som har studert allmenn litteraturvitenskap jobber i forlags- eller bokbransjen, i bibliotek, reklamebyrå, som journalist eller i offentlig/privat administrasjon. De kan også bli forskere, informasjonsrådgivere, tidsskriftredaktører eller arbeide innenfor andre kulturinstitusjoner.

Kva er master i allmenn litteraturvitskap?
Kva kan studiet av skjønnlitteratur seie oss om ideologiske motsetningar, kjønnsrelasjonar, politikk og moral i eit bestemt samfunn eller ei bestemt tidsepoke? Kan ein bruke skjønnlitteratur og andre kunstuttrykk som historisk kilde? Korleis forheld me oss vitskapeleg til språklege og litterære fenomen?

Master i allmenn litteraturvitskap består av to fordjupningskurs i litteraturteori (15 studiepoeng), eit fordjupingskurs i eldre litteratur (før 1800) og eit i nyare litteratur (etter 1800). Dei to siste semestra er avsett til skriving av masteroppgåve (60 studiepoeng) med tilhørande oppgåveseminar (7,5 studiepoeng). Studentane deltek og i Ekspertar i team (prosjektbasert obligatorisk fellesemne).

Allmenn litteraturvitskap er eit fagmiljø med variert undervisings- og forskingsaktivitet. Det blir forska på emne som spenner frå antikken, europeisk barokk og 1700-talet og fram til dagens modernistiske litteratur. I dette arbeidet blir eit mangfald av teoretiske innfallsvinklar utprøvde, til dømes moderne kjønnsteori, psykoanalytisk teori og diskursteori. Dei tilsette deltek i fleire tverrfaglege prosjekt og arbeider stadig med å utvikle nye, viktige forskingsoppgåver.

Eit emne på 7,5 studiepoeng krev omtrent 10 timar arbeid per veke. Det betyr at heiltidsstudentar som tek 30 studiepoeng per semester, må forvente å arbeide ca. 40 timar i veka med studiane totalt. Dette inkluderer undervisningsaktivitetar og sjølvstudium.

Masterkandidatane i allmenn litteraturvitskap

• kan reflektere teoretisk og kritisk over litteratur frå ulike sjangrar, epokar og språkområde
• kan diskutere og vurdere teoretiske og metodiske problemstillingar i analysen av ulike typar tekstar
• har eit teoretisk reflektert forhold til korleis litteraturen verkar inn på mennesket si sjølvforståing
• har brei innsikt i den gjensidige påverknaden mellom litteratur, kultur og samfunn
• kan presentere og diskutere litteraturvitskapelege spørsmål og forskingsresultat skriftleg og munnleg i aktuelle og kritiske forum

Masterkandidatane i allmenn litteraturvitskap

• har eit stort repertoar av ulike kulturelle forståingsmodellar og kan vurdere den praktiske relevansen av desse i konkret problemanalyse
• kan avdekkje og belyse relevante fag- og yrkesetiske problemstillingar
• har eit medvite, aktivt og kompetent forhold til tekstar generelt og brei innsikt i særtrekk ved ulike typar tekst
• kan bidra både munnleg og skriftleg i akademiske diskusjonar og formidle til ulike grupper i ulike samanhengar
• kan bidra til nytenking og bidra i innovasjonsprosessar
• kan bruke kunnskap og ferdigheiter på nye område og gjennomføre komplekse arbeidsoppgåver og prosjekt
• kan bruke digitale læringsressursar og verktøy på ein kritisk og etisk forsvarleg måte.

​Masterkandidatane i allmenn litteraturvitskap

• har inngåande kunnskap om dei store klassiske verka i den vestlege litterære tradisjonen frå antikken til moderne tid
• kan analysere litteraturen i ein større estetisk, kulturell og historisk samanheng på tvers av språk og landegrenser
• har brei kunnskap om sjangrane sitt opphav, utvikling og poetikk
• kan bruke hovudprinsippa for litterær analyse innanfor ulike teoretiske tradisjonar
• har god oversikt over litteraturvitskap som forskingsfelt
• kan bruke kunnskapen sin om fagfeltet si historie, tradisjon, eigenart og samfunnsrelevans på nye område
• kan analysere den gjensidige påverknaden mellom samfunnet og litteraturen

Mastergradstudiet har eit omfang på 120 studiepoeng, og normert studietid er fire semester (to års fulltidsstudium). Studentar som ikkje planlegg å studere på heiltid, eller som av andre grunnar (til dømes permisjon) ikkje vil bli ferdige i løpet av fire semester, må informere instituttet så tidleg som mogleg.

​Fyrste studieår

Fyrste semester (haust)

• ALIT3302 Felles litterært pensum, eldre del (15 studiepoeng)
• ALIT3100 Allmenn litteraturteori 1 (7,5 studiepoeng)
• LITT3500 Spesielt MA-emne 1: Masteroppgåverelatert fordjupingsemne (7,5 studiepoeng)

Andre semester (vår)

• ALIT3303 Felles litterært pensum, nyare del (15 studiepoeng)
• ALIT3101 Allmenn litteraturteori 2 (7,5 studiepoeng)
• Ekspertar i team (7,5 studiepoeng)

Andre studieår

Tredje semester (haust)

• ALIT3900 Masteroppgåve i allmenn litteraturvitskap (30 studiepoeng)

Fjerde semester (vår)

• ALIT3900 Masteroppgåve i allmenn litteraturvitskap (30 studiepoeng)

​Master i allmenn litteraturvitenskap er grunnlag for vidare forskarutdanning (doktorgrad). Meir informasjon om forskarutdanning er tilgjengeleg på NTNU sine nettsider: https://www.ntnu.no/phd

Ein ph.d. er det høgaste nivået for formell utdanning i Noreg.

Ein doktorgrad fra NTNU kvalifiserer deg for leiande arbeid innan næringsliv, forvaltning, høgare utdanning og forsking.